უკრაინის არმიამ, რუსეთის ტერიტორიაზე, ქალაქ სუჯასთან მობილიზებული რუსული საჯარისო ნაწილები გაანადგურა და 100 რუსი ჯარისკაცი ტყვედ აიყვანა — ამის შესახებ უკრაინის პრეზიდენტს მთავარსარდალმა, ალექსანდრ სირსკიმ განუცხადა.

შექმნილი ვითარებიდან გამომდინარე, რუსეთში, კურსკის ოლქში, სანგრების გასათხრელად, მშენებლებს ეძებენ. შესაბამისი განცხადებები რუსულ ვებგვერდებზე ვრცელდება, — ინფორმაციას BBC ავრცელებს.

ომის კვლევის ამერიკული ინსტიტუტის მონაცემებით, გასული დღის განმავლობაში, უკრაინის ჯარის რუსეთის შიდა ტერიტორიაზე წინსვლა შენელებულია, უკრაინის სამხედრო ხელმძღვანელობა, რუსული თავდაცვის ხაზის სუსტ წერტილებზე იერიშებს ახორციელებს.

შეგახსენებთ, რუსეთში საბრძოლო მოქმედებები 6 აგვისტოდან მიმდინარეობს. ამ დროისთვის, უკრაინის ძალები კურსკის ოლქში 74 დასახლებულ პუნქტს აკონტროლებენ, რაც დაახლოებით 1000 კვადრატული კილომეტრია.