"საქართველოს მმართველმა პარტიამ აგვისტოს ომთან დაკავშირებით მოულოდნელი განცხადება გააკეთა", — ამის შესახებ კრემლის პროპაგანდისტული მედია РИА Новости წერს.

"საქართველოს მმართველი პარტიის განცხადებაში ნათქვამია, რომ ქვეყნის ყოფილმა პრეზიდენტმა მიხეილ სააკაშვილმა რუსეთთან ომი 2008 წლის აგვისტოში "გარედან, უცხოური ბრძანებით" დაიწყო.

საქართველოს პირველმა არხმა გაავრცელა ინფორმაცია, რომ 2008 წლის აგვისტოში სააკაშვილის ავანტიურული ქმედებები არა მისი ფსიქიკური მდგომარეობის, არამედ გარე ინსტრუქციების შედეგი იყო", — წერია РИА Новости-ს სტატიაში.

ქართული ოცნების პოლიტსაბჭომ, დღეს კიდევ ერთი განცხადება გამოაქვეყნა, სადაც პარტია კიდევ ერთხელ აღნიშნავს, რომ საქართველოში გრძელვადიანი მშვიდობისა და სტაბილურობის დასამყარებლად აუცილებელია 2008 წლის ომის დაწყების მიზეზების გამოძიება და "მოღალატე პოლიტიკური ძალის" დასჯა.

"ფაქტია, რომ 2008 წლის აგვისტოში სააკაშვილის ავანტიურისტული ქმედებები არა მისი ფსიქიკური გაუწონასწორებლობის, არამედ გარედან დაკვეთილი და კარგად დაგეგმილი ღალატის შედეგი იყო", - წერია პარტიის განცხადებაში.

მსგავსი შინაარსის განცხადება ქართულმა ოცნებამ 7 აგვისტოსაც გაავრცელა.

ამავე თემაზე: