პარიზის ოლიმპიური თამაშები პომპეზურად დაიხურა

პარიზის ოლიმპიური თამაშები გუშინ საზეიმოდ დაიხურა. ამ კვირების განმავლობაში ოლიმპიადაზე უამრავი ვარსკვლავი ვიხილეთ და საოცარი სპორტული ასპარეზობის მომსწრეები გავხდით, რაც დახურვის ცერემონიაზე ულამაზესად შეჯამდა. საქართველოს მედროშე გენო პეტრიაშვილი იყო, რომელიც ოლიმპიური ჩემპიონი გახდა.

საფრანგეთის დედაქალაქის პარალელურად, დახურვის ცერემონია ლოს ანჯელესშიც ჩატარდა, სადაც 2028 წლის ოლიმპიური თამაშები გაიმართება. ლოს ანჯელესში მუსიკალური ნომრები ბილი აილიშმა, სნუპ დოგმა და დოქტორ დრემ და Red Hot Chilli Peppers-მა შეასრულეს.

გთავაზობთ ფოტოებს დახურვის ცერემონიებიდან:

დახურვის ცერემონია პარიზში, Stade de France-ზე

ფოტო: Getty Images

დახურვის ცერემონია პარიზში, ფეიერვერკებით განათებულ Stade de France-ზე ჩატარდა, რომელსაც 80 000 მაყურებელი ადევნებდა თვალს.

ოლიმპიადის ბოლო დღეს ათლეტებმა თავიანთი ქვეყნების დროშები წარადგინეს. საქართველოს მედროშე გენო პეტრიაშვილი იყო.

დიდი ბრიტანეთის დელეგაციამ ოლიმპიადის დასრულება ცეკვით აღნიშნა.

ფოტო: Rob Schumacher/USA Today Sports/Reuters

Stade de France-ზე ოლიმპიური რგოლები აღიმართა.

მუსიკალურ შესრულებებთან ერთად, ფრანგმა არტისტებმა ცერემონიაზე პერფორმანსებიც დადგეს.

პარიზის მერმა, ანა იდალგომ ოლიმპიური დროშა ლოს ანჯელესის მერს, კარენ ბასს გადასცა და ოლიმპიადის მასპინძლობის პატივიც გადაულოცა.

დროშის გადაცემის შემდეგ ტომ კრუზმა სახასიათო ტრიუკი შეასრულა — სიმაღლიდან ჩამოხტა, ოლიმპიური დროშა აიღო და მოტოციკლეტზე შემჯდარი გაემართა ლოს ანჯელესისკენ.

ოლიმპიური ცეცხლის გადატანის პატივი ფრანგ მოცურავეს, ლეონ მარშანს ხვდა წილად. ცერემონია პარიზის ტულიერების ბაღში გაიმართა.

ოლიმპიადის დახურვის ცერემონიას საფრანგეთის პრეზიდენტი, ემანუელ მაკრონიც ესწრებოდა ცოლთან ერთად.

პარიზის ოლიმპიადის დახურვის ცერემონიის პარალელურად, ლოს ანჯელესში 2028 წლის ოლიმპიადისთვის მზადება დაიწყო. ბილი აილიშმა, სნუპ დოგმა, დოქტორ დრემ, Red Hot Chilli Peppers-მა და სხვა არტისტებმა ოლიმპიური განწყობა შექმნეს.

ბოლო ამბები:

გირჩევთ