ტეილორ სვიფტის The Eras Tour-ის შემდეგი გაჩერება, მიუნხენი იყო. "ოლიმპიაშტადიონი" იდეალური სივრცე აღმოჩნდა მომღერლის იმ მსმენელისთვის, რომელმაც სტადიონზე მოხვედრა ბილეთის არ ქონის გამო, ვერ შეძლო.

ტეილორ სვიფტის გულშემატკივრებმა, კონცერტზე დასწრება მაინც, თანაც სრულიად უფასოდ შეძლეს. ისინი, მთელი დღის განმავლობაში მოედნის გარშემო, გორაკზე იკრიბებოდნენ. მათი მთავარი დაბრკოლება სიცხე იყო. მოგვიანებით, კონცერტის ორგანიზატორებმა გარეთ შეკრებილ მაყურებელს წყალი და მზისგან დამცავი საბნებიც დაურიგა.

ტეილორ სვიფტმა მადლობა გადაუხადა გარეთ შეკრებილ ხალხს.

"გმადლობთ, რომ მოხვედით Eras Tour-ზე, მიუხედავად იმისა, სტადიონზე ხართ თუ სტადიონის გარეთ, ჩვენ ძალიან გაგვიმართლა, რომ აქ თქვენთან ვართ", — თქვა მომღერალმა.

ფოტო: Thomas Niedermueller/Getty Images

ცნობილია, რომ "ოლიმპიაშტადიონი" 69 250 ადამიანს იტევს. Associated Press-ის ცნობით, პოლიციამ დაადგინა, რომ შაბათს გორაზე დაახლოებით 25,000 ადამიანი შეიკრიბა, თუმცა სხვა შეფასებით, ეს რიცხვი 50,000-ს ცდება. თუ ბოლო მონაცემს გავითვალისწინებთ, გამოდის, რომ ჯამში სვიფტის კონცერტს 125 ათასამდე ადამიანი ესწრებოდა.