26 ივლისს პარიზში ზაფხულის ოლიმპიური თამაშები გაიხსნება. მედიაში აქტიურად ვრცელდება ხმები იმის შესახებ, რომ გახსნის ცერემონიაზე სელინ დიონისა და ლედი გაგას დუეტს ვიხილავთ.

ფრანგული მედია სანდო წყაროებზე დაყრდნობით წერს, რომ მუსიკოსები ედიტ პიაფის ცნობილ სიმღერას — La Vie en rose — შეასრულებენ. სელინ დიონსა და ლედი გაგას აქამდე ერთად არ უმღერიათ და არც დუეტი არ ჩაუწერიათ.

ცნობისთვის, კანადელმა მომღერალმა სელინ დიონმა ცოტა ხნის წინ პარიზიდან ფოტოებიც გამოაქვეყნა, რაც მისი ფანების ეჭვებს კიდევ უფრო ამძაფრებს.