ევოლუშენ ჯორჯია აცხადებს, რომ გავრცელებული ინფორმაცია, რომელიც მათი რამდენიმე თანამშრომლის მიმოწერას ეხება, კატეგორიულად მიუღებელია და ეწინააღმდეგება კომპანიის ქცევის კოდექსს, ამიტომ, ინციდენტში მონაწილე პირები ევოლუშენ ჯორჯიას გუნდს ტოვებენ.

"თანამშრომელთა ნებისმიერ რგოლში დაფიქსირებულ მიუღებელ ქმედებას ვუდგებით მკაცრად და ვმოქმედებთ საქართველოში მოქმედი კანონის შესაბამისად. მზად ვართ, მივიღოთ ყველა დამატებითი ზომა, რათა აღმოვფხვრათ მსგავსი ინციდენტების განმეორების რისკი და სწორედ ამიტომ, ვაგრძელებთ საკითხის შემდგომ შესწავლას", — აცხადებს კომპანია.

12 ივლისს, ევოლუშენ ჯორჯიას თანამშრომლების ნაწილი, ხელფასების ზრდის და სამუშაო პირობების გაუმჯობესების მოთხოვნით გაიფიცა.

პროფკავშირი ლაბორის ცნობით, გაფიცულია 5000-მდე თანამშრომელი.

გაფიცვამდე, მაუწყებელმა გაავრცელა "სქრინშოთები" კომპანიის მენეჯერების სამუშაო ჩათიდან, სადაც ისინი თანამშრომლებს გარეგნობის გამო დასცინოდნენ და იყენებდნენ სექსისტურ, რასისტულ და დისკრიმინაციულ ენას.