ბიძინა ივანიშვილის თანაინვესტირების ფონდმა "მტკვარი ჰესი" გაყიდა — რა სახელდება მიზეზად
![](http://monica.on.ge/2024/07/22/c794b616d3cec8c9373ba9728d200cf4_669e668e0c0ff.jpg)
ფოტო: Element Construction
ქართველი ოლიგარქის, ბიძინა ივანიშვილის მიერ დაფუძნებულმა თანაინვესტირების ფონდმა მტკვარი ჰესი გაყიდა.
შეთანხმება მტკვარი ჰოლდინგსა და ჰიდროჯენიუსს შორის 16 ივლისს დაიდო.
მტკვარი ჰესი, რომელიც ახალციხის მუნიციპალიტეტში, მდინარე მტკვარზე შენდება, თანაინვესტირების ფონდმა 2014 წელს შეიძინა.
რატომ გადაწყვიტეს ახლა მტკვარი ჰესის გასხვისება — თანაინვესტირების ფონდი BMG-სთან განმარტავს, რომ ზოგადად, ფონდის მიზანი პროექტების განვითარება და მათი შემდგომი გასხვისებაა.
"ჩვენ რამდენიმე პროექტში სწორედ ამ ეტაპზე მივედით და ვაწარმოვეთ მნიშვნელოვანი მოლაპარაკებები ინვესტორებთან. მტკვარი ჰესის პროექტის გასხვისებაც სწორედ ამის მაგალითია," — თქვეს თანაინვესტირების ფონდში.
ბიძინა ივანიშვილის თანაინვესტირების ფონდი მტკვარი ჰესის პროექტს 2014 წლიდან ახორციელებს.
BMG-ის ინფორმაციით, პროექტის თავდაპირველი ღირებულება $100 მილიონ დოლარს შეადგენდა, თუმცა 2023 წელს ცნობილი გახდა, რომ პროექტის საინვესტიციო მოცულობა გაორმაგდა და მან 236 მილიონ დოლარს მიაღწია.
თავად ბიძინა ივანიშვილი პროექტის განვითარებითა და მკვეთრად გაზრდილი ხარჯებით უკმაყოფილებას გამოთქვამდა, რასთან დაკავშირებითაც გასული წლის ივლისში ცნობილი გახდა, რომ ჰესთან დაკავშირებული დოკუმენტაცია პროკურატურას მიეწოდა, რაც თანაინვესტირების ფონდის ყოფილი CEO-ს, გიორგი ბაჩიაშვილის წინააღმდეგ მიმდინარე საქმის თანამდევი გამოძიების საგანს წარმოადგენდა.
ამ თემაზე არქივიდან: რას წერს ივანიშვილის ადვოკატი თანაინვესტირების ფონდის ხელმძღვანელზე
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები