უკრაინის საგარეო საქმეთა მინისტრი დმიტრო კულება, რუსეთ-უკრაინის ომის დაწყების შემდეგ პირველად ეწვევა ჩინეთს.

ჩინეთის ადგილობრივი მედიის განცხადებით, კულება ქვეყნის საგარეო საქმეთა მინისტრმა, ვან იმ მიიწვია.

შეხვედრა დაადასტურა კიევმაც — უკრაინის საგარეო საქმეთა სამინისტროს განცხადებით, განხილვის თემა იქნება "რუსული აგრესია" და "ჩინეთის შესაძლო როლი სტაბილური და სამართლიანი მშვიდობის მიღწევაში".

შეხვედრის შესახებ ცნობილი გახდა მას შემდეგ, რაც უკრაინის ერთ-ერთმა მთავარმა მოკავშირემ, ჯო ბაიდენმა განაცხადა, რომ საპრეზიდენტო არჩევნებში მონაწილეობას აღარ მიიღებს.

ასევე, ვიზიტის შესახებ ინფორმაციას წინ უძღოდა უკრაინის პრეზიდენტის, ვოლოდიმირ ზელენსკის ღია კრიტიკა პეკინის მიმართ, გასულ თვეს შვეიცარიაში სამშვიდობო კონფერენციის საბოტაჟში მოსკოვის დახმარების გამო.