პარლამენტთან, ამნისტიის კანონის განხილვის პარალელურად, პატიმრების ოჯახის წევრების საპროტესტო აქცია მიმდინარეობს
![](http://phoebe.on.ge/2024/07/19/0292f09b-d619-411d-840a-c4aecbc2cac3.jpg)
ფოტო: ტვ პირველი
საქართველოს პარლამენტთან, სადაც დღეს, 19 ივლისს, რიგგარეშე სესიაზე, ამნისტიის კანონპროექტს პირველი მოსმენით განიხილავენ, პატიმრების ოჯახის წევრების საპროტესტო აქცია მიმდინარეობს.
აქციის მონაწილეები აცხადებენ, რომ ისინი აპროტესტებენ "შერჩევით სამართალს". მათივე თქმით, ოცნების მიერ ინიციირებული ამნისტიის კანონპროექტი არ ვრცელდება ბევრ არაძალადობრივ დანაშაულებზე.
"ჩვენ აქ იმიტომ შევიკრიბეთ, რომ ეს ამნისტია იყოს საყოველთაო, რადგან ხელისუფლებამ რომელი ამნისტიაც დაინიციირა, არის შერჩევითი, არაჰუმანური და ჩვენ ვითხოვთ, რომ იყოს ჰუმანური", — უთხრა ტელეკომპანია პირველს აქციის ერთ-ერთმა მონაწილემ.
მოქალაქეები, ასევე, აცხადებენ, რომ ხელისუფლებამ საქართველოს მესამე პრეზიდენტის, მიხეილ სააკაშვილის გამო, ბევრი პატიმარი გაწირა.
"ხელისუფლება გვეუბნება, რომ ერთი ადამიანის გამო გაწირა ძალიან ბევრი პატიმარი, თუნდაც პრეზიდენტი სააკაშვილი, რომელი მუხლითაც ზის, კი ბატონო, დამნაშავეა, უნდა მოიხადოს სასჯელი, მაგრამ სხვა პატიმრებმა რა დააშავეს იგივე მუხლით რომ სხედან", — თქვა პროტესტის მონაწილემ.
ამ წუთებში, პარლამენტის რიგგარეშე სესიაზე, "ამნისტიის შესახებ" კანონპროექტს პირველი მოსმენით განიხილავენ. იქამდე კი კანონპროექტი იურიდიულ საკითხთა კომიტეტმა, პირველი მოსმენით განიხილა და მხარი დაუჭირა.
გაიგე მეტი: ოცნებამ ამნისტიის შესახებ კანონპროექტი დააინიციირა — ვის შეეხება
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები