ამ წუთებში, მთავრობის კანცელარიაში საქართველოს პრემიერმინისტრი გიორგი კვირიკაშვილი და ამერიკის შეერთებული შტატების ვიცე-პრეზიდენტი მაიკ პენსი ერთობლივ პრესკონფერენციას მართავენ.

"თქვენი დახმარების შედეგად, საქართველო აღარ არის საბჭოური ან პოსტსაბჭოური ქვეყანა, თავდაცვის და უსაფრთხოების სფეროში ჩვენი თანამშრომლობა კი მისასალმებელია. ჩვენ საინტერესონი ვხდებით ამერიკული ბიზნესისთვის. საქართველოში არის ერთ-ერთი საუკეთესო ბიზნეს-გარემო, დაბალი კორუფციისა, ბიუროკრატიის მაჩვენებლით. ჩვენი მიზანია ამერიკულ ბიზნეს-ინტერესებს შევუქმნათ საუკეთესო გარემო საქართველოში" - განაცხადა კვირიკაშვილმა.

საქართველოს პრემიერმინისტრის თქმით, ამერიკასთან თანამშრომლობისას მხარეებმა შეიმუშავეს საქართველოს თავდაცვისუნარიანობის განმტკიცების გეგმა, რაც რეგიონის სტაბილურობისთვის და მდგრადობისთვის მნიშვნელოვანია.