საქართველოს გენერალური პროკურორის, გიორგი გაბიტაშვილის განცხადებით, თურქეთში, ბიზნესმენ ბესიკ ხარძიანის მკვლელობის საქმეზე მსჯავრდადებული პირი დააკავეს.

"დაკავებულია უშუალოდ დანაშაულის აღმსრულებელი, რომელსაც ბრალი ედება ჯგუფურად შეკვეთილი მკვლელობის ჩადენაში. მიმდინარეობს საექსტრადიციო პროცედურები", — განაცხადა პროკურორმა.

ბიზნესმენ ბესიკ ხარძიანს თბილისში საკუთარ სადარბაზოში 2015 წლის 28 მარტს ესროლეს, ის საავადმყოფოში გარდაიცვალა.

ხარძიანის მკვლელობაში მხილებულნი არიან: უკრაინის მოქალაქე, 1985 წლის 29 მაისს დაბადებული ფარიდ გურბანოვი და რუსეთის ფედერაციის მოქალაქე, 1973 წლის 4 სექტემბერს დაბადებული ოლეგ დოევი. მათ სასამართლომ 19-19 წლით პატიმრობა მიუსაჯა.