ელისაშვილმა, რომელსაც პოლიციისთვის წინააღმდეგობის გაწევას ედავებიან, საკუთარი სასამართლო პროცესი, პროტესტის ნიშნად დატოვა
![](http://ross.on.ge/2024/05/15/IMG_0473_6643d07267b8e.jpg)
ფოტო: მარიამ მერლანი/ On.ge
დღეს, 11 ივლისს, პარტია მოქალაქეების ლიდერმა, ალეკო ელისაშვილმა, რომელსაც პოლიციისთვის წინააღმდეგობის გაწევას ედავებიან, მისი სასამართლო პროცესი, პროტესტის ნიშნად დატოვა.
"გული მერევა იმ შენობაში რომ ვარ, სადაც მურუსიძე ჰყავთ ლიდერი, ამ დუქანში რომ შემოვედი მაგაზეც გული მერევა. პროცესზე ვუთხარი ყველაფერი, რასაც ვფიქრობდი, აბსურდის სპექტაკლში და გულისამრევ გაუგებრობაში ვარ და ამ ყველაფერში დიდად მონაწილეობას არ ვაპირებ, ჩემი სათქმელი ვუთხარი და წამოვედი", — განაცხადა ელისაშვილმა.
მისივე თქმით, იმის მიუხედავად, რომ არსებობს ვიდეო მტკიცებულებები, სადაც ნათლად ჩანს ძალადობაში მონაწილე ყველა პირი, სამი თვის განმავლობაში არცერთი პირი არ არის დაკავებული და გამოძიებას მათი ვინაობა არ დაუდგენია:
"წარმოიდგინეთ, რამდენად აბსურდული ვითარებაა, სამი თვე გავიდა მას შემდეგ, რაც პირდაპირ ეთერში ოცი კაცი ფიზიკურად მისწორდებოდა და სამი თვის თავზე არათუ არავინ დაუკავებიათ და ბრალი არ წაუყენებიათ, ისიც ვერ გავარკვიეთ ვინ არიან ის პოლიციელები".
ელისაშვილის განცხადებით, მის მიმართ არათუ განრიდების, არამედ დაკავების ოქმია შედგენილი: "ნებისმიერ დეპუტატს აქვს მაღალი იმუნიტეტი და მას კონსტიტუცია იცავს, დაფხრიწეს და გადაყარეს ის კონსტიტუცია, სადაც დეპუტატის იმუნიტეტზეა საუბარი. მთლად ჩემი დაკავების უფლება არ აქვთ, თუმცა დაკავების აბსურდული ოქმი ერთხელ უკვე აქვთ შედგენილი, ასევე არაკონსტიტუციური და საშინელი დარღვევით".
პარტია მოქალაქეების ლიდერი ამბობს, რომ შინაგან საქმეთა სამინისტროს არგუმენტები მის წინააღმდეგ იყო "აბსურდული", ხოლო ვიდეო ჩანაწერებიდან ის ეპიზოდებია ამოღებული, რომელიც შსს-ს აწყობდა.
"მხოლოდ ჩემს ცემაზე ხომ არაა საუბარი, ეს ხომ სამაგალითოდ გააკეთეს და ამას მოყვა ხაბეიშვილზე თავდასხმაც, მით უფრო, რომ იმუნიტეტი მიცავს და ფაქტობრივად, კონსტიტუცია გადაგვახიეს თავზე, ვეუბნებოდი, ნუ მაკავებთ, პარლამენტის წევრი ვარ მეთქი, მაგრამ შენც არ მომიკვდე", — განაცხადა ალეკო ელისაშვილმა.
ასევე, ნახეთ: ლევან ხაბეიშვილი, ძალადობიდან 23 დღის შემდეგ, პროკურატურამ დაზარალებულად ცნო
17 აპრილს, მთავრობის ადმინისტრაციასთან, რუსული კანონის საპროტესტო აქციაზე, მონაწილეებსა და პოლიციელებს შორის დაპირისპირება მოხდა.
ელისაშვილის თქმით, ვაჟა სირაძის, საპატრულო პოლიციის დეპარტამენტის უფროს დავალებით, პოლიცია მას გამეტებით ურტყამდა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები