საქართველოს საგარეო საქმეთა მინისტრი, ილია დარჩიაშვილი, ამერიკის შეერთებულ შტატებში გაემგზავრა, სადაც 9-11 ივლისს, ვაშინგტონში დაგეგმილ ნატო-ს საიუბილეო სამიტს დაესწრება.

საგარეო საქმეთა სამინისტროს ცნობით, დარჩიაშვილი, ასევე, მონაწილეობას მიიღებს, 10 ივლისს, პარტნიორი ქვეყნების ფორმატში დაგეგმილ საგარეო საქმეთა მინისტრების შეხვედრაში:

"მინისტრი დაესწრება სამიტის ფარგლებში დაგეგმილ სხვა ღონისძიებებს და გამართავს ორმხრივ შეხვედრებს".

პარტნიორობა მშვიდობისთვის პროგრამა, რომლის ფარგლებშიც საქართველო ნატოს ვაშინგტონის სამიტზეა მიწვეული, 1994 წლიდან არსებობს და ის ალიანსის პარტნიორ 18 ქვეყანას მოიცავს. ალიანსის ჩრდილოატლანტიკური საბჭოს გადაწყვეტილებით, რუსეთთან და ბელარუსთან, პარტნიორობა შეჩერებულია.

ამ თემაზე: ვაშინგტონმა ნატოს სამიტზე საქართველოდან საგარეო საქმეთა მინისტრი მიიწვია