მოკლედ: ოკუპირებული აფხაზეთის ე.წ. სამართალდამცავმა უწყებებმა 23 ივნისს, გაგრის რაიონში, რუსეთის საზღვარზე მკვლელობის ბრალდებით რამდენიმე პირი დააკავეს. ამის შესახებ რუსული პროპაგანდისტული მედიასაშუალება TASS-ს გენერალური პროკურატურის თანამშრომლის ინფორმაციაზე დაყრდნობით წერს.

დეტალები: "მიმდინარეობს ოპერატიული სამუშაოები, საზღვარზე დანაშაულის ჩადენის ბრალდებით, რის შედეგადაც ერთი ადამიანი დაიღუპა, სამი კი დაშავდა. დგინდება დაკავებულების მონაწილეობა,“ — უთხრა გამოცემას წყარომ.

  • აფხაზეთის ე.წ. შინაგან საქმეთა მინისტრმა რობერტ კიუტმა თქვა, რომ ოთხი ეჭვმიტანილი დააკავეს, სამს კი ეძებენ.
  • ისინი ჯერ კიდევ ღამით დავაკავეთ, სამი სოხუმში, ერთი — სოჭში. რუსმა კოლეგებმა იმოქმედეს მაშინვე, როგორც კი ინფორმაცია გავუგზავნეთ. ეჭვმიტანილმა ვერ მოასწრო ფსოუდან ადლერამდე მისვლა, ის დააკავეს", — განაცხადა კიუტმა.

გაგრის ე.წ. პროკურატურამ სისხლის სამართლის საქმე მკვლელობისა და ცეცხლსასროლი იარაღის უკანონო ვაჭრობის ბრალდებით აღძრა.

  • TASS წერს, რომ "სამართალდამცველებმა" მალევე დაადგინეს თავდამსხმელების ვინაობა, გამოცხადდა განგაში.
  • აფხაზეთის ე.წ. სახელმწიფო უსაფრთხოების სამსახურის სასაზღვრო დეპარტამენტის ინფორმაციით, სროლის შემდეგ, რუსეთთან "საზღვარი" ჩვეულ რეჟიმში მუშაობს.

ბოლო ხაზი: შემთხვევა გუშინ, 23 ივნისს მოხდა. დაშავებულებს შორის ერთი ბავშვია.