HBO-ს საკულტო სერიალის, სატახტოთა თამაშების სპინოფის, შვიდი სამეფოს რაინდის გადაღება ირლანდიის ქალაქ ბელფასტში დაიწყო. მსახიობთა ქასთს ფინ ბენეტი (True Detective), ბერტი კარველი (The Crown), ტანზინ ქროუფორდი (Tiny Beautiful Things), დენიელ ინგსი (Sex Education) და სემ შპრუელი (Fargo) შეუერთდნენ.

შვიდი სამეფოს რაინდის პირველ სეზონში სულ 6 სერიას ვიხილავთ, რომელთაგან სამს რეჟისორი სარა ადინა სმითი გადაიღებს, დანარჩენს სამს კი აღმასრულებელი პროდიუსერი ოუენ ჰარისი.

სერიალი ჯორჯ რ.რ. მარტინის ნოველის, The Hedge Knight-ის ადაპტაციაა. პირველ სეზონში რაინდ სერ დუნკან მაღალისა და მისი თანაშემწის, ეგის თავგადასავლებს ვნახავთ, რომლებიც დრაკონის სახლში ასახული მოვლენებიდან 100 წლის გასვლის შემდეგ ვითარდება, სატახტოთა თამაშების სიუჟეტამდე კი 100 წლით ადრე.

როგორც ვიცით, სერ დუნკანი და ეგი რაინდთა შეჯიბრებაში აღმოჩნდებიან, სადაც ტარგარიენთა დინასტიის რამდენიმე წევრს შეხვდებიან — პრინც აერიონ ტარგარიენს, პრინც ბეილორ ტარგარიენს და პრინც მაეკარ ტარგარიენს. უკვე ცნობილია სხვა პერსონაჟების შესახებაც — შვიდი სამეფოს რაინდში უნდა ველოდოთ რაინდ მოცინარ შტორმს, სერ ლიონელ ბარათეონს და მარიონეტების ოსტატ ტანსელს.

ასევე იხილეთ:

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…