მოკლედ: საქართველოს არასამთავრობო ორგანიზაციები აცხადებენ, რომ გმობენ ძალადობის ყველა იმ ფაქტს, რომელსაც ხელისუფლება ჩადის ქართველი ხალხის წინააღმდეგ, ახდენენ ფაქტების დოკუმენტირებას და იმედოვნებენ, რომ ძალადობის დამკვეთები და შემსრულებლები დაისჯებიან.

დეტალები: ორგანიზაციები აცხადებენ, რომ უკვე მეორე თვეა, მაღალი პოლიტიკური თანამდებობის პირები ძალადობას ახალისებენ საჯარო განცხადებებით, მათზე დაქვემდებარებული არაფორმალური ჯგუფები კი ურეკავენ, აგინებენ, ემუქრებიან, ოფისებს და საცხოვრისებს ამახინჯებენ და მოქალაქეებზე ძალადობენ:

  • "ნიშანდობლივია, რომ ამ საქმეებს არავინ იძიებს. სამართალდამცავმა ორგანოებმა დაკარგეს მათი კონსტიტუციური ფუნქცია და ხელისუფლების ხელში პოლიტიკური რეპრესიების ინსტრუმენტად იქცნენ".

არასამთავრობო ორგანიზაციები წერენ, რომ პარლამენტის თავმჯდომარემ, შალვა პაპუაშვილმა სახელობითად მოიხსენია ზუკა ბერძენიშვილი თავის განცხადებაში და ერთ საათში აქტივისტს ფიზიკურად თავს დაესხნენ.

  • "ხელისუფლებას თავად არის ამ ძალადობის დამკვეთი. ოლიგარქის რეჟიმი საერთო ენას ვეღარ პოულობს მოქალაქეებთან და ძალადობით ცდილობს საკუთარი სისუსტის გადაფარვას", — წერია განცხადებაში, რომელსაც ხელს აწერენ:

ინფორმაციის თავისუფლების განვითარების ინსტიტუტი (IDFI)

საერთაშორისო გამჭვირვალობა - საქართველო

დემოკრატიის მცველები

უფლებები საქართველო

მწვანე ალტერნატივა

საქართველოს რეფორმების ასოციაცია

სამოქალაქო იდეა

საფარი

სამოქალაქო საზოგადოების ფონდი

ტოლერანტობისა და მრავალფეროვნების ინსტიტუტი

საბჭოთა წარსულის კვლევის ლაბორატორია

დემოკრატიის კვლევის ინსტიტუტი

ევროპულ-ქართული ინსტიტუტი

ეკონომიკური პოლიტიკის კვლევის ცენტრი

საქართველოს დემოკრატიული ინიციატივა

საქართველოს მომავლის აკადემია

წამების მსხვერპლთა ფსიქოსოციალური და სამედიცინო რეაბილიტაციის ცენტრი

ქალთა ინიციატივების მხარდამჭერი ჯგუფი

საქართველოს ახალგაზრდა იურისტთა ასოციაცია

საქართველოს სასამართლოს გუშაგი

სამართლიანი არჩევნებისა და დემოკრატიის საერთაშორისო საზოგადოება (ISFED)

თბილისი პრაიდი

აღმოსავლეთ ევროპული ცენტრი მრავალპარტიული დემოკრატიისთვის

ადამიანის უფლებათა ცენტრი (HRC)

ამ თემაზე: ზუკა ბერძენიშვილი: სახლთან დამხვდნენ, უკნიდან წამაქციეს, მირტყეს და გაიქცნენ. შევყავარ ცხვირის ოპერაციაზე, სხვა ყველაფერი შევამოწმეთ და არაფერი მჭირს

ასევე, ნახეთ: "თქვენი მოვალეობაა წესრიგის დამყარება, მოვითხოვთ, მოძალადეების გამოვლენას და დასჯას" — ეროვნული პლატფორმა კობახიძეს მიმართავს