28 ივლისის, დღის მეორე ნახევრიდან 30 ივლისის დილამდე, შავი ზღვის სანაპირო რაიონებში მოსალოდნელი დასავლეთის მიმართულების ძლიერი ქარის გამო, ზღვაზე შესაძლებელია 3-5 ბალიანი შტორმი. აღნიშნულ ინფორმაციას გარემოს ეროვნული სააგენტო ავრცელებს.

შავი ზღვის სანაპიროზე საშტორმო მდგომარეობა გამოცხადდა. სანაპირო ზოლზე წითელი ალმები უკვე აღმართულია, რაც იმას ნიშნავს რომ ზღვაში შესვლა აკრძალულია. სამაშველო ბრიგადები უკვე მობილიზებული არიან და მაშველები სანაპიროსთან მყოფებს რამდენიმე ენაზე მოუწოდებენ, რომ მოსალოდნელი შტორმის გამო ზღვაში არ შევიდნენ.