ტელეკომპანია რუსთავი 2-ის გენერალური დირექტორის მოადგილე და ტელეწამყვანი ზაალ უდუმაშვილი ხელისუფლებას და ივანიშვილს მიმართავს, რომ ისინი ბრძოლას აგრძელებენ. ამის შესახებ უდუმაშვილმა რუსთავი 2-ის პირდაპირ ეთერში განაცხადა:

"დღეს ქართულმა სასამართლომ რეალური სახე დაანახა საზოგადოებას. პრინციპში, უკვე ყევლას ყველაფერი ნანახი ქონდა და ის მძიმე, დრამატული სერიალი, რომელიც რუსთავი 2-ის ეთერით გადაიცემოდა, დასრულდა ისე, როგორც ეს ხელისუფლებას უნდოდა, სამმა მოსამართლემ უსიტყვოდ შეასრულა ის გადაწყვეტილება, რომელიც მათ დაავალეს და ეს გააფორმეს ოფიციალურად. თუმცა, მე მინდა აქედან მივმართო ბიძინა ივანიშვილსა და ხელისუფლებას: ეს ბრძოლის ეტაპებია. თქვენ შეიძლება ამ ბრძოლის ეტაპში დღეს გაამრჯვება მოიპოვეთ, მაგრამ გარწმუნებთ, ომი ჯერ არ დასრულებულა".

თბილისის სააპელაციო სასამართლომ დღეს, 10 ივნისს, ძალაში დატოვა საქალაქო სასამართლოს მოსამართლის, თამაზ ურთმელიძის გადაწყვეტილება რუსთავი 2-ის წილების ქიბარ ხალვაშისთვის მიკუთვნებასთან დაკავშირებით.

თბილისის სააპელაციო სასამართლომ რუსთავი 2-ის საქმის განხილვა 7 ივნისს დაასრულა. საქმე მოსამართლეთა კოლეგიამ განიხილა, რომლის შემადგენლობაშიც იყვნენ მოსამართლეები ნათია გუჯაბიძე, ნატა ნაზღაიძე და შორენა ყავლაშვილი.