ბიზნესსაქმიანობის ეფექტურად წარმართვის მიზნით, საქართველოს ბანკის მომხმარებლები დიდი ხანია, რაც ბიზნეს მობილბანკს იყენებენ. ბიზნეს მობილბანკის პლატფორმის დახმარებით ტრანზაქციების განხორციელება, ფინანსების მართვა და ბიზნესისთვის საჭირო სხვა ყოველდღიური საქმიანობის განხორციელება უმოკლეს დროში ნებისმიერი ადგილიდანაა შესაძლებელი. ბიზნეს მობილბანკის მუდმივად განახლებადი ფუნქციონალები კი მომხმარებელთა რიცხვის ზრდას განაპირობებს.

ონლაინმაღაზია Samni Concept Store ბიზნეს მობილბანკის ერთ-ერთი აქტიური მომხმარებელია. სწორედ ბიზნეს მობილბანკის მარტივი, დახვეწილი და კომფორტული პლატფორმა ეხმარება ონლაინ მაღაზიას, რომ ბიზნესი ერთ სივრცეში მართოს. თუ რატომ აირჩია Samni Concept Store-მა ბიზნეს მობილბანკი და განსაკუთრებით რა უპირატესობებს მოსწონს, ონლაინმაღაზიის თანადამფუძნებელი, ელენე კაპანაძე, საუბრობს.

გვიამბეთ Samni Concept Store-ის შესახებ, რას სთავაზობთ მომხმარებლებს?

სამნი კონცეპტი სამი საუკეთესო მეგობრის მთელი გულით შექმნილი ნივთების ონლაინ მაღაზიაა. ჩვენთვის მნიშვნელოვანია საყვარელი ადამიანების და საკუთარი თავის გაბედნიერება და ისეთ გარემოში ცხოვრება, რომელიც ჩვენ გვგავს და ჩვენს თავს გამოხატავს. სწორედ ამიტომ შევქმენით სამნი კონცეპტი, სადაც მთელი გულით შერჩეულ ნივთებს აღმოაჩენთ, რომლებიც საკუთარი თავის ან ადრესატის გაბედნიერებაში დაგეხმარებათ. სამნი კონცეპტი მომხმარებლებს ქართველი მხატვრების შოკოგრაფიებს, თავსაფრებს, ჩანთებსა და ბალიშებს სთავაზობს. ონლაინმაღაზიაში ასევე დაგხვდებათ ახალგაზრდა ქართველი მხატვრებისა და ილუსტრატორების ჩანახატები, პოსტერები და პოსტქარდები. გარდა ამისა, სამნი კონცეპტი განსხვავებული ფორმის სარკეებსა და სხვადასხვა დიზაინის ნივთებს ქმნის.

როგორ და რისთვის იყენებთ ბიზნეს მობილბანკს?

ერთ წელზე მეტია, ბიზნეს მობალბანკის მომხმარებლები ვართ, რაც ჩვენთვის გამარტივებულ საბანკო მომსახურებასთან ასოცირდება. მცირე ბიზნესის დაწყებისას, განსაკუთრებით მაშინ, როცა არ გაქვს ცოდნა და გამოცდილება სწორად შექმნა და განახორციელო გადახდები, საუკეთესო მხარდამჭერი ბიზნეს მობილბანკია. სამი მეგობარი გავერთიანდით ერთი იდეით, თუმცა არ გვქონდა ცოდნა საბუღალტრო საქმიანობის მიმართულებით, რაც თავიდან გამოწვევა იყო. ვცდილობდით, თავად აღგვეწერა ბიზნესის შემოსავალი და ხარჯი, რაც ძალიან დიდ დროსა და ენერგიას მოითხოვს. მობილბანკი სწორედ ის მნიშვნელოვანი მხარდამჭერი აღმოჩნდა, რომელმაც ყოველდღიური ოპერაციული საქმიანობა და რეპორტინგის ნაწილი შეგვიმსუბუქა და რაც მთავარია, ჩვენი საქმე უფრო მარტივი და საყვარელი გახადა.

მობილბანკის რომელი ფუნქციონალების გამოყენებაა თქვენთვის ყველაზე კომფორტული?

იქიდან გამომდინარე, რომ ჩვენ თავად ვაწარმოებთ ჩვენს ნივთებს, ყველაზე ხშირად გადარიცხვის და გადახდების ფუნქციას ვიყენებთ. განსაკუთრებულად ეფექტიანი ჩვენთვის შაბლონების შექმნის ფუნქცია აღმოჩნდა. ყოველდღიური საოპერაციო საქმიანობა დიდ დროს და ყურადღებას მოითხოვს. ხშირად არ გვაქვს საშუალება, ყოველდღიურად საბანკო/საბუღალტრო საქმიანობა განვახორციელოთ, რაშიც წინასწარ შექმნილი შაბლონები გვეხმარება. მობილბანკი ბანკია შენს ტელეფონში, რომლის დახმარებითაც ნებისმიერ დროს ნებისმიერი წერტილიდან შეგიძლია მართო შენი ბიზნესი, შეამოწმო გადახდები, შექმნა საგადახდო დავალებები, გააკონტროლო თვის შემოსავლები და ხარჯები. ასევე, მიიღო დახმარება ნებისმიერ დროს ონლაინ ბანკირისგან.

როგორ შეაფასებდით გადარიცხვების და გადახდების ფუნქციებს, რაში გეხმარებათ?

დღეს, როცა ყველაფრის ტემპი გაზრდილია და დროს ყველაზე დიდი მნიშვნელობა აქვს, გადარიცხვების და გადახდების ფუნქცია სწრაფად და მარტივად გვასრულებინებს იმ ოპერაციებს, რომლებსაც ადრე ბანკში მისვლა, დოკუმენტების შეგროვება და რამდენიმე ხანგრძლივი პროცედურა უძღოდა წინ. გარდა გამარტივებული ფუნქციისა, მობილბანკი ხშირად გვთავაზობს გადახდებისას ქეშბექის დაბრუნებას და სხვადასხვა ბენეფიტს, რომლებიც ჩვენი ბიზნესის განვითარებაში განსაკუთრებულად გვეხმარება.

რამდენად გიმარტივებთ ბიზნესის მართვის პროცესს ამონაწერის მომენტალურად გაკეთების ფუნქცია?

ვფიქრობთ, რომ ბიზნესისთვის, განსაკუთრებით მაშინ, როცა პატარა წამოწყებით იწყებ და გსურს, დიდ მიზანს მიაღწიო, უმნიშვნელოვანესი როლი სწორედ შენი ხარჯების განხილვასა და მის გაანალიზებას ეთმობა. ამ პროცესში რამდენიმესაათიან შრომას ერთი ფუნქცია — ამონაწერის ნახვა ანაცვლებს. მარტივად შეგიძლია ნახო ყოველი თვის თუ კვარტლის ჭრილში შენი ხარჯები და შემოსავლები.

დაბოლოს, როგორია Samni Concept Store-ის სამომავლო გეგმები?

Samni Concept Store მეორე წელია, რაც ბევრი ადამიანის, განსაკუთრებით კი ახალგაზრდების საყვარელი კონცეპტუალური სივრცეა, სადაც ყოველთვის პოულობენ ბიუჯეტურ და გამორჩეულ საჩუქარს ადრესატისთვის. სამნის მთავარ გეგმას გაფართოება წარმოადგენს, რომელზეც ახლა ვმუშაობთ. მალე სამნი ახალ კოლექციას, ახალ ნივთებს, ახალ შეხვედრის ადგილს და რაც მთავარია, გამარტივებულ ონლაინ ყიდვის გამოცდილებას შემოგთავაზებთ.

საქართველოს ბანკის ბიზნეს მობილბანკის შესახებ გაიგეთ მეტი ამ ბმულიდან და თუ ჯერ არ ხართ ბიზნეს მომხმარებელი, გახსენით ანგარიში მარტივად ონლაინ.