მოკლედ: ლევან ბერძენაშვილი, ქართული ოცნების წევრი და თელავის მუნიციპალიტეტის საკრებულოს დეპუტატი, რუსული კანონის მიღების გამო, საკრებულოში დაკავებულ თანამდებობას დატოვებს.

  • ამის შესახებ ბერძენაშვილმა რადიო თავისუფლებას უთხრა.

დეტალები: დეპუტატის თქმით, 10 ივნისამდე შვებულებაშია და საკრებულოში დაბრუნებისთანავე, თანამდებობას დატოვებს: "მე რაც ვთქვი, ჩემს სიტყვას ბოლომდე შევასრულებ. ეს არის პროტესტი კანონზე, რომელიც პარლამენტმა მიიღო".

  • 26 აპრილს, ბერძენაშვილმა, თელავის საკრებულოს სხდომაზე განაცხადა, რომ თუ ოცნება რუსულ კანონს უკან არ გაიწვევდა, ის დატოვებდა როგორც პარტიას, ასევე, საკრებულოს:
  • "მე ვეწინააღმდეგები ამ კანონის მიღებას, ვინაიდან ყველა პარტნიორი, ევროკავშირის ლიდერი ქვეყნები გვეუბნებიან, რომ თუ ამ კანონს მივიღებთ, შესაძლოა, დავკარგოთ ვიზალიბერალიზაცია, კანდიდატის სტატუსს".

კონტექსტი: გუშინ, 28 მაისს, პარლამენტმა რუსულ კანონზე პრეზიდენტის ვეტო დაძლია და კანონი 84 ხმით, 4-ის წინააღმდეგ დაამტკიცა.

  • პრეზიდენტის მოტივირებულ შენიშვნებს არცერთი მხარდამჭერი არ ჰყავდა, წინააღმდეგი იყო 66 დეპუტატი.
  • კანონის თავდაპირველ ვერსიას მხარი დაუჭირა 84-მა დეპუტატმა, 4-ის წინააღმდეგ

ამ თემაზე: ვინ დაუჭირა და ვინ არა მხარი რუსულ კანონს — დეპუტატების სია