მოკლედ: დღეს, 28 მაისს, საპარლამენტო უმრავლესობამ, პრეზიდენტ სალომე ზურაბიშვილის ვეტო რუსულ კანონზე, დაძლია.

  • პრეზიდენტის მოტივირებულ შენიშვნებს არცერთი მხარდამჭერი არ ჰყავდა, წინააღმდეგი იყო 66 დეპუტატი.
  • კანონის თავდაპირველ ვერსიას მხარი დაუჭირა 84-მა დეპუტატმა, 4-ის წინააღმდეგ.

რა იქნება ვეტოს დაძლევის შემდეგ: კანონი ხელმოსაწერად კვლავ პრეზიდენტს გადაეგზავნება.

  • თუ სალომე ზურაბიშვილი ხელს არ მოაწერს, მას ხელს მოაწერს და გამოაქვეყნებს პარლამენტის თავმჯდომარე.
  • რის შემდეგაც, რუსული კანონი ძალაში შევა.

კონტექსტი: დღეს, 28 მაისს, 12:00 საათიდან პარლამენტი, პლენარულ სხდომაზე, განიხილავდა პრეზიდენტის მოტივირებულ შენიშვნებს რუსულ კანონთან დაკავშირებით.

მსგავსი: მსხილაძე: კანონი ანტიევროპული, ანტიქართული და რუსულია, ვისთვისაც ეს არგუმენტები მიუღებელია, მათ შეიძლება გამოიყენონ სიტყვა "იმიტომ!"

  • პარალელურად, 11 საათიდან, პარლამენტის უკანა შესასვლელთან, რუსული კანონის მოწინააღმდეგეები იყვნენ შეკრებილები.
  • დილიდან, პარლამენტის მიმდებარედ, მათ შორის, უკანა შესასვლელთან და ჩიტაძის ქუჩაზე, პოლიციაა მობილიზებული.
  • პარლამენტთან იმყოფებოდა სპეცრაზმის უფროსი ზვიად ხარაზიშვილიც (ხარება).

ამ თემაზე: საია: ხარაზიშვილი ავრცელებს ძალადობრივი პრაქტიკების მუქარას, რასაც ძალადობის წამახალისებელი ეფექტი აქვს

ასევე, ნახეთ: "სია არ არსებობს" — ვაჟა სირაძე ხარაზიშვილის განცხადებაზე