რა ხდება: უზენაესი და სააპელაციო სასამართლოს ყოფილი მოსამართლე, ბესარიონ ალავიძე ტვ პირველთან ამბობს, რომ სასამართლო კლანი ემუქრებოდა.

  • აიძულებდნენ, რომ ბიძინა ივანიშვილისთვის სასურველი გადაწყვეტილება მიეღო.

დეტალები: ალავიძის თქმით, უზენაესი სასამართლოს ერთ-ერთი თავმჯდომარისგან მიიღო შეტყობინება, რომ თუ ერთ-ერთ გახმაურებულ საქმეზე, რომელიც უკვე დასრულებულია, არ მიიღებდა ბიძინა ივანიშვილისთვის სასურველ გადაწყვეტილებას, "ტვინს გაასხმევინებდნენ".

  • "ასევე, მაგალითად, მივიღე შემოთავაზება ერთ-ერთ საქმესთან დაკავშირებით, სადაც მითხრეს, რომ თუ მე იმ საქმეს წინასწარ, გარიგებულად მოვაწერდი, მაგალითად, ხელს, ჩემ მიმართ შეიცვლებოდა დამოკიდებულება და განწყობა.
  • ასევე კლანისგან მივიღე ისევ მუქარა, რომ თუ მე, მაგალითად, ვისაუბრებდი ჟურნალისტებთან საჯაროდ და ღიად სასამართლოში არსებულ პრობლემებზე, მე შემექმნებოდა პრობლემა, გადამივლიდნენ და უკან არ დაიხევდნენ არაფერზე. მიუხედავად ამისა, მე არ ვაპირებ გაჩერებას,“ — თქვა ბესარიონ ალავიძემ ტვ პირველთან ინტერვიუში.

ალავიძე რუსთავი 2-ის საქმის ერთ-ერთი მოსამართლე იყო.

ტელეკომპანია სასამართლომ ქიბარ ხალვაშს მიაკუთვნა.

ასევე, ნახეთ: დაასრულებს თუ არა კეთილსინდისიერების შემოწმება სასამართლო კლანს