მოკლედ: "ეს არ არის სასაცილო, ეს ეხებათ ჩვენს შვილებს, ჩვენს მოქალაქეებს. ეს ჭინკა ვის დაემუქრება ეს ნაკლებად საინტერესოა", — ასე უპასუხა ერთიანი ნაციონალური მოძრაობის თავმჯდომარემ, ლევან ხაბეიშვილმა, სპეცრაზმის უფროსის, ზვიად ხარაზიშვილის მუქარას.

  • "სწრაფად შემიძლია გამოჯანმრთელება, ამას საზოგადოებაც ხედავს", — თქვა ხაბეიშვილმა.

კონტექსტი: დღეს, 28 მაისს, პარლამენტთან იმყოფებოდა სპეცრაზმის უფროსი ზვიად ხარაზიშვილი (ხარება).

  • ჟურნალისტების კითხვაზე, აპირებდა თუ არა დღესაც სპეცრაზმი ახალგაზრდების ცემას, ხარაზიშვილმა თქვა, რომ "ის არ სცემს ახალგაზრდებს, არამედ სცემს არაკაცებს და აქვს სია".
  • ასევე, ხარაზიშვილმა თქვა, რომ ერთიანი ნაციონალური მოძრაობის ლიდერის, ლევან ხაბეიშვილს, რომელიც 1-ელ მაისს სცემეს, უარესი ელის: "ყველა სცემს თავის თავს... ხაბეიშვილს უარესი... [ელის]".

მსგავსი: პარლამენტის მიმდებარედ პოლიციაა მობილიზებული

ბოლო ხაზი: დღეს, 28 მაისს, 12:00 საათიდან პარლამენტი პლენარულ სხდომაზე განიხილავს პრეზიდენტის მოტივირებულ შენიშვნებს რუსულ კანონთან დაკავშირებით.

  • პარალელურად, 11 საათიდან, პარლამენტის უკანა შესასვლელთან რუსული კანონის მოწინააღმდეგეები არიან შეკრებილები.

გაიგე მეტი: რომან გოცირიძე უმრავლესობას: ლარმაც გაგაფრთხილათ, კანონის მიღების დღესვე დაეცა და 60 მლნ დოლარის ინტერვენციების განხორციელება მოუწია სებ-ს

ასევე, ნახეთ: "არ დაძლიოთ პრეზიდენტის ვეტო" — კახელები მიმართავენ კახელ დეპუტატებს, რომლებიც რუსულ კანონს მხარს უჭერენ