რა ხდება: დღეს საქართველოს პარლამენტი პრეზიდენტ სალომე ზურაბიშვილის მიერ რუსულ კანონზე დადებულ ვეტოს განიხილავს და კენჭს უყრის.

დეტალები: პარალელურად, ქართული ოცნების დეპუტატმა, მიხეილ ყაველაშვილმა, ოცნების სხვა დეპუტატების შვილებს მიმართა.

  • "ჩემი კოლეგების შვილებს მივმართავ, ჩემს შვილებთან უკვე ნასაუბრები მაქვს, შეგიძლიათ იამაყოთ თქვენი მშობლებით, რადგან ჩვენმა პრინციპულმა პოზიციებმა ამ ეტაპისთვის ქვეყანა გადაარჩინა, რადგან არის მშვიდობა და განვითარება", — ამბობს ყაველაშვილი ჟურნალისტებთან.

ასევე, ნახეთ — ნანა ჯანელიძე 84 დეპუტატის შვილებს: მხოლოდ თქვენ თუ შეძლებთ, დარჩენილი რამდენიმე საათის განმავლობაში, მოსთხოვოთ თქვენს მშობლებს ამ კანონის უკან გაწვევა

კონტექსტი: რუსული კანონის წინააღმდეგ პროტესტი უკვე 2 თვეა გრძელდება.

  • საზოგადოების ნაწილმა იმ ბიზნესებს, რომლებიც რუსული კანონის მხარდამჭერებს ეკუთვნით, ბოიკოტი გამოუცხადა.
  • მათ შორისაა, კომპანია MELT, რომელიც, გავრცელებული ინფორმაციით, მიხეილ ყაველაშვილის შვილისაა.