მოკლედ: დღეს, 27 მაისს, პარლამენტის იურიდიულმა კომიტეტმა რუსულ კანონზე პრეზიდენტის მოტივირებული შენიშვნები არ გაიზიარა და ვეტოს დაძლევას მხარი დაუჭირა.

  • საკითხი პლენარულ სხდომაზე განსახილველად, სავარაუდოდ, ხვალ გავა.

პროცედურულად: თუ ხვალ, 28 მაისს, პარლამენტი ვეტოს დაძლევს, რუსული კანონი მიღებულად ჩაითვლება.

  • მიღების შემთხვევაში, კანონი ხელმოსაწერად კვლავ პრეზიდენტს გადაეგზავნება.
  • თუ სალომე ზურაბიშვილი ხელს არ მოაწერს, მას ხელს მოაწერს და გამოაქვეყნებს პარლამენტის თავმჯდომარე.
  • რის შემდეგაც, რუსული კანონი ძალაში შევა.

კონტექსტი: დღეს 09:00 საათიდან, პარლამენტის იურიდიულ საკითხთა კომიტეტი, რუსულ კანონზე, პრეზიდენტ სალომე ზურაბიშვილის მოტივირებულ შენიშვნებს განიხილავდა.

კომიტეტზე მოუსმინეს პრეზიდენტის საპარლამენტო მდივანს გიორგი მსხილაძეს, თუმცა, კითხვა-პასუხის დროს, საპარლამენტო უმრავლესობა გიორგი მსხილაძის პასუხებს არ ისმენდა.

ამ თემაზე: "გამოიყენეთ სიტყვები, რომელიც არ არის საპატიებელი და ამაზე პასუხი უნდა გასცეთ საზოგადოებას, აქ მოგიწევთ ახლა დეპუტატების წინაშე, ვერ გახვალთ დარბაზიდან ისე" — ოხანაშვილი მსხილაძეს

  • საქართველოს სახალხო დამცველმა, ლევან იოსელიანმა, საპარლამენტო უმრავლესობას მოუწოდა, უარი თქვას ხვალ, 28 მაისს, რუსულ კანონზე პრეზიდენტის ვეტოს დაძლევაზე და უცხო ქვეყნიდან შემოსული თანხების გამჭვირვალობისთვის, უკვე არსებულ კანონმდებლობაში შეიტანონ ცვლილებები.

მსგავსი: "მოგიწოდებთ, ხვალინდელ სხდომაზე არ დაძლიოთ ვეტო" — ლევან იოსელიანი საპარლამენტო უმრავლესობას

  • გარდა ამისა, იურიდიულ საკითხთა კომიტეტის თავმჯდომარემ, ანრი ოხანაშვილმა ერთიანი ნაციონალური მოძრაობის დეპუტატი, ანა წითლიძე სხდომათა დარბაზიდან გააძევა.
  • წითლიძემ ოხანაშვილს მოღალატე უწოდა.

ასევე, ნახეთ: სხდომაზე, სადაც რუსულ კანონზე პრეზიდენტის ვეტოს განიხილავენ, მიხეილ დაუშვილის კითხვას ხმაური მოჰყვა