რა ხდება: იურიდიულ საკითხთა კომიტეტის თავმჯდომარე, ანრი ოხანაშვილი მიიჩნევს, რომ პრეზიდენტის საპარლამენტო მდივანმა, გიორგი მსხილაძემ, "არაადეკვატური ტექსტის გამო, დეპუტატების წინაშე უნდა გასცეს პასუხი საზოგადოებას".

  • გიორგი მსხილაძემ კომიტეტის სხდომაზე პრეზიდენტის მოტივირებული შენიშვნები წარადგინა, რუსულ კანონთან დაკავშირებით.
  • თქვა, რომ ეს კანონი ეწინააღმდეგება საქართველოს კონსტიტუციით განსაზღვრულ ევროპულ გზას და ლახავს ადამიანის ფუნდამენტურ უფლებებს, ძირს უთხრის არასამთავრობო ორგანიზაციებისა და ონლაინმედიის მუშაობას.

დეტალები: გიორგი მსხილაძის გამოსვლას სხდომის თავმჯდომარის, ანრი ოხანაშვილის მძაფრი რეაქცია მოჰყვა:

  • "გასაგებია თქვენი პოზიცია. მოგიწევთ, თქვენს თითოეულ სიტყვაზე პასუხი გასცეთ თქვენი არაადეკვატური ტექსტიდან გამომდინარე. თავს შეიკავებ სხვა შეფასებისგან. თითოეულ სიტყვაზე მოგიწევთ ამ დარბაზში გასცეთ პასუხი. ჩვენი საზოგადოება ნახავს ეს თქვენთვის დაწერილი ტექსტი თქვენი დაწერილია თუ სხვისი დაწერილია.
  • ჩვენი საზოგადოება არის უფლებამოსილი, იცოდეს, ე.წ. პრეზიდენტის სახელით ვინ ლაპარაკობს და რამდენად კორექტულად ლაპარაკობს.
  • მე ვფრთხილობ შეფასებებში, მაგრამ თქვენ გამოიყენეთ ისეთი სიტყვები, რომელიც არ არის საპატიებელი და ამაზე პასუხი უნდა გასცეთ ჩვენს საზოგადოებას, აქ მოგწევთ ახლა დეპუტატების წინაშე, ვერ გახვალთ დარბაზიდან ისე, რომ ამ შეკითხვებზე პასუხები ჩვენმა საზოგადოებამ არ მოისმინოს“, — უთხრა მსხილაძეს ოხანაშვილმა.

ასევე, ნახეთ: იურიდიულმა კომიტეტმა რუსულ კანონზე ვეტოს განხილვა დაიწყო — პარლამენტში უსაფრთხოების ყვითელი დონე მოქმედებს