რა ხდება: დღეს, 27 მაისს, პარლამენტის იურიდიულ საკითხთა კომიტეტზე, სადაც რუსულ კანონზე პრეზიდენტის ვეტოს განიხილავენ, პარტია საქართველოსთვის დეპუტატის, მიხეილ დაუშვილის კითხვას ხმაური მოჰყვა.

დეტალები: მას შემდეგ, რაც პრეზიდენტის საპარლამენტო მდივანმა, გიორგი მსხილაძემ, სხდომაზე, რუსულ კანონზე, პრეზიდენტის მოტივირებული შენიშვნები წარადგინა, დაუშვილმა მას კითხვით მიმართა:

  • "ამ კანონით და იმ ქმედებები, რასაც ოცნება ახორციელებს, მათ შორის, მოქალაქეების მიმართ ტოტალიტარული ძალადობით და ტერორით, ექმნება თუ არა საფრთხე ოკუპირებული ტერიტორიების არაღიარების პოლიტიკას და იმ შემთხვევაში, თუ ქვეყანა მოექცევა საერთაშორისო იზოლაციაში, როგორ ფიქრობთ, არაღიარების პოლიტიკის კუთხით, რა რისკები შეიძლება დაუდგეს ჩვენს ქვეყანას?".

მსგავსი: "გამოიყენეთ სიტყვები, რომელიც არ არის საპატიებელი და ამაზე პასუხი უნდა გასცეთ საზოგადოებას, აქ მოგიწევთ ახლა დეპუტატების წინაშე, ვერ გახვალთ დარბაზიდან ისე" — ოხანაშვილი მსხილაძეს

დაუშვილის ამ კითხვას საპარლამენტო უმრავლესობის მხრიდან რეპლიკები მოჰყვა: "ქვეყნის მტერია", "მავნებელი ადამიანი".

  • "ვინმეს აღიარებაზეა მხოლოდ დამოკიდებული ჩვენი ტერიტორიები? ისტორიული ტერიტორიები და მიწა-წყალი? ეს არის ქვეყნისადმი მტრობა და ძალიან მძიმე საკითხი, ამას ჩვენი საზოგადოება გასცემს პასუხს. თუ გნებავთ ბოდიში მოიხადეთ ამ შეკითხვის გამო მოქალაქეების წინაშე", — მიმართა იურიდიულ საკითხთა კომიტეტის თავმჯდომარემ, ანრი ოხანაშვილმა, მიხეილ დაუშვილს.

გაიგე მეტი: "მოგიწოდებთ, ხვალინდელ სხდომაზე არ დაძლიოთ ვეტო" — ლევან იოსელიანი საპარლამენტო უმრავლესობას

იურიდიულ კომიტეტზე პრეზიდენტის მოტივირებული შენიშვნების განხილვა გრძელდება.

გიორგი მსხილაძე დეპუტატების კითხვებს სცემს პასუხს.