მოკლედ: ეროვნული უსაფრთხოების საბჭოს აპარატის უფროსის თანამდებობაზე, საქართველოს პრემიერ-მინისტრის, ირაკლი კობახიძის ბრძანებით, ლევან ღირსიაშვილი დაინიშნა.

  • შინაგან საქმეთა მინისტრმა, ვახტანგ გომელაურმა, ახალი უფროსი, აპარატის თანამშრომლებს დღეს, 24 მაისს, წარუდგინა.

ფოტო: შინაგან საქმეთა სამინისტრო

დეტალები: შსს-ს ინფორმაციით, ღირსიაშვილი 2022 წლის აგვისტოდან საქართველოს პარლამენტის თავმჯდომარის მრჩეველი იყო.

  • 2019-2022 წლებში იგი იკავებდა შსს საგანგებო სიტუაციების მართვის სამსახურის უფროსის პირველი მოადგილის თანამდებობას.
  • 2018 წლიდან 2019 წლამდე, ლევან ღირსიაშვილი იყო გაერთიანებულ სამეფოში საქართველოს საელჩოს უფროსი მრჩეველი, ხოლო
  • 2015-2017 წლებში — სახელმწიფო უსაფრთხოებისა და კრიზისების მართვის საბჭოს მდივნის მოადგილე.