მოკლედ: საქართველოს პრემიერ-მინისტრის, ირაკლი კობახიძის თქმით, თბილისის სახელმწიფო უნივერსიტეტში, სადაც ის ასწავლის, პროფესორების დიდი ნაწილი მთლიანად პოლიტიკური ნიშნით არის შერჩეული და არ აქვთ საკმარისი კვალიფიკაცია.

  • ამის შესახებ კობახიძემ გუშინ, 22 მაისს, პირველი არხის გადაცემაში განაცხადა.

გაიგე მეტი: ირაკლი კობახიძე: ჩვენ გვაქვს იმედი, რომ მოხდება ევროკავშირის და ამერიკის შეერთებული შტატების დეოლიგარქიზაცია

დეტალები: კობახიძემ განაცხადა, რომ ერთ-ერთი მთავარი სისტემა, რაც ერთიანი ნაციონალური მოძრაობის ხელისუფლებამ "პოლიტიკურად საკუთარ თავზე მოირგო", სწორედ განათლების სისტემა იყო:

  • "მათ [თსუ-ს პროფესორებს] აქვთ პოლიტიკური მიკერძოება, გასაგებია ვის მხარეს და არ აქვთ საკმარისი კვალიფიკაცია.
  • შეიძლება, პოლიტიკური მიკერძოება ნებისმიერ პროფესორს ჰქონდეს, მაგრამ როცა არც კვალიფიკაცია გაქვს, თან პოლიტიკურად მიკერძოებული ხარ, აქ ჩანს, სინამდვილეში როგორ ფორმირდებოდა პროფესურა თბილისის სახელმწიფო უნივერსიტეტში".
  • მისივე ვარაუდით, განათლების სისტემის რეფორმის დროს, ისეთივე წინააღმდეგობა იქნება, როგორიც შეხვდა ე.წ გამჭვირვალობის კანონს.

ასევე, ნახეთ: პრემიერის თქმით, გლობალური ომის პარტიასთან ბრძოლა პერსონალურ რისკებთან არის დაკავშირებული — რას ებრძვის მმართველი პარტია