დასავლელი დიპლომატების სია — სამთავრობო პარტია ქვეყანაში მათი არ შემოშვების საკითხს განიხილავს
![](http://ross.on.ge/2022/10/04/xalxis_dzala_633be2649fc0a.jpg)
ფოტო: კადრი ვიდეოდან / მაესტრო
რა ხდება: ღიად ანტიდასავლური სამთავრობო პარტია ხალხის ძალა აცხადებს, რომ ხელისუფლებამ უნდა იმსჯელოს, იმსახურებენ თუ არა ქვეყანაში შემოშვებას დასავლელი პოლიტიკოსები, რომლებმაც საქართველოში ჩამოსვლის შესახებ განაცხადეს.
- მათ მხედველობაში აქვთ ევროკავშირის წევრი ოთხი ქვეყნის საგარეო საქმეთა მინისტრის ვიზიტი.
ესენი არიან:
- გაბრელიუს ლანდსბერგისი — ლიეტუვა;
- მარგუს ცანკა — ესტონეთი;
- ტორდის გილფადოტრი — ისლანდია;
- ბაიბა ბრაზე — ლატვია.
უკვე ჩამოვიდა საქართველოში გერმანიის ბუნდესტაგის საგარეო საქმეთა კომიტეტის თავმჯდომარე მაიკლ როთი. მან ჩამოსვლისთანავე გამოაქვეყნა პოსტი X-ზე და დაწერა, რომ თბილისშია, "ევროპის ნამდვილ დედაქალაქში". როთიც ხალხის ძალის არასასურველ დიპლომატთა სიაშია.
ხალხის ძალა ასევე მიიჩნევს, რომ ხელისუფლებამ ასევე უნდა იმსჯელოს, შემოუშვებს თუ არა საქართველოში აშშ-ის სახელმწიფო მდივნის თანაშემწე ჯეიმს ო'ბრაიენი.
ასევე იხილეთ: ო'ბრაიენი — "თუ საქართველოს ხელისუფლება ე.წ. რუსულ კანონს მიიღებს, ვითარება ჩვენთვის ნათელი გახდება" [ინტერვიუ]
ხალხის ძალა: "მათ მიერ ოფიციალურად გაცხადებულია, თითქოს ჩვენს ქვეყანაში მათი სტუმრობის მიზანი ქვეყნის "დასავლური კურსის" მხარდაჭერაა, რეალურად კი ყველას კარგად მოგვეხსენება, რომ ეს ადამიანები ღიად უჭერენ მხარს ნაციონალურ მოძრაობას და თავს ესხმიან საქართველოს ხელისუფლებას", — აცხადებს ანტიდასავლური სამთავრობო პარტია და განცხადების ვრცელ ტექსტს დასავლელი დიპლომატების დისკრედიტაციას უთმობს.
განცხადების ბოლოს კი, ხალხის ძალა, "ყოველივე ზემოთქმულიდან გამომდინარე", მიიჩნევს, რომ საქართველოს ხელისუფლების უმაღლესი თანამდებობის პირებმა თავი უნდა შეიკავონ ქვეყანაში "დესტრუქციისთვის ჩამოსული" პოლიტიკოსებთან შეხვედრისგან.
- "უფრო მეტიც, როდესაც დანამდვილებით ვიცით, რომ ბოლო ორი წლის განმავლობაში საქართველოს ხელისუფლების წინააღმდეგ მათ მიერ გაკეთებული განცხადებების მთავარი მიზანი ჩვენი ქვეყნის ომში ჩართვა და რუსეთის წინააღმდეგ მეორე ფრონტის გახსნაა, ხელისუფლებამ უნდა იმსჯელოს, იმსახურებენ თუ არა ეს პოლიტიკოსები ქვეყანაში შემოშვებას", — ამბობენ ისინი.
ბოლო ხაზი: ღიად ანტიდასავლური ხალხის ძალა მმართველ პარტიას ფორმალურად გაემიჯნა 2022 წლის აგვისტოში. 2023 წლის თებერვალში მათ პირველად დააინიციირეს რუსული კანონი საქართველოს პარლამენტში ქართული ოცნების სრული მხარდაჭერით. 2024 წლის მარტში ისინი პარტიად დარეგისტრირდნენ. ქართულ ოცნებაში თქვეს, რომ ისინი არ ემიჯნებიან ერთმანეთს.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები