მოკლედ: სახალხო დამცველის აპარატი აცხადებს, რომ აგრძელებენ დღეს, 13 მაისს, რუსული კანონის საპროტესტო აქციაზე დაკავებულთა მოძიებას, მათთან გასაუბრების და მათი ფიზიკური მდგომარეობისა თუ დაკავების პირობების შესახებ, ინფორმაციის მიღებას.

დეტალები: სახალხო დამცველის აპარატის განცხადების მიხედვით, დაკავებულებთან ვიზიტებისა და შედეგების შესახებ, პერიოდულად, საზოგადოებას ინფორმაციას მიაწვდიან:

  • "მუდმივ რეჟიმში ვადევნებთ თვალს მიმდინარე საპროტესტო აქციებზე განვითარებულ მოვლენებს".

კონტექსტი: შინაგან საქმეთა სამინისტროს ინფორმაციით, პოლიციის მიერ ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად, ამ ეტაპზე, 20 პირია დაკავებული.

  • დაკავებულთაგან ერთი არის რუსეთის მოქალაქე, ხოლო ორი — ამერიკის.

მსგავსი: პოლიცია პარლამენტის მიმდებარე ტერიტორიას ტოვებს

დღეს, 13 მაისს, რუსული კანონის საპროტესტო აქციიდან, მედიებმა გაავრცელეს ვიდეო კადრები, სადაც ჩანს თუ როგორ უსწორდებიან ფიზიკურად, სპეცრაზმელები მოქალაქეებს და აკავებენ.

  • პოლიციის მხრიდან, მოქალაქეთა მიმართ რამდენიმე არასათანადო მოპყრობის ფაქტებზე, სახალხო დამცველმა, ლევან იოსელიანმაც განაცხადა. მან შინაგან საქმეთა სამინისტროს მოუწოდა იმოქმედოს კანონმდებლობის ფარგლებში.

გაიგე მეტი: მოვუწოდებთ შს მინისტრს, დაუყოვნებლივ გააკეთოს განცხადება კადრებზე, სადაც ჩანს, თუ როგორ უსწორდებიან სპეცრაზმელები მოქალაქეს — საია