მოკლედ: საქართველოს სახალხო დამცველი, ლევან იოსელიანი აცხადებს, რომ დღეს, 13 მაისს, რუსული კანონის საპროტესტო აქციაზე, პოლიციის მხრიდან, კვლავ დაფიქსირდა მოქალაქეთა მიმართ რამდენიმე არასათანადო მოპყრობის ფაქტი.

დეტალები: სახალხო დამცველი მოუწოდებს შინაგან საქმეთა სამინისტროს, იმოქმედოს კანონმდებლობის ფარგლებში: "ძალის გამოყენება უნდა იყოს აუცილებელი და პროპორციული. არც ერთ შემთხვევაში არ უნდა გადაიზარდოს მოქალაქეზე მიზანმიმართულ ძალადობაზე/ანგარიშსწორებაზე.".

  • ასევე, სახალხო დამცველი მოუწოდებს სპეციალურ საგამოძიებო სამსახურს, მყისიერი რეაგირება მოახდინოს მოცემულ ფაქტებზე, მიმდინარე გამოძიებები კი ჩაატაროს მაქსიმალურად შემჭიდროებულ ვადებში.
  • "არ უნდა გაჩნდეს დაუსჯელობის განცდა, რომელიც წაახალისებს ცალკეულ პოლიციელებს შემდგომი არასამართლებრივი ქმედებებისკენ", — წერს სახალხო დამცველი.

რა ხდება ახლა პარლამენტთან: ამ მომენტში, პარლამენტის მიმდებარედ, ჭიჭინაძის ქუჩის მხარეს, დაპირისპირებაა.

  • ტვ პირველის ინფორმაციით, მანიფესტანტები სრულიად მშვიდობიანად იდგნენ, როდესაც მათთან სპეცრაზმელები მიიჭრნენ, დააკავეს, სავარაუდოდ, 2 ადამიანი.
  • ასევე, მათი მისამართით გააფრქვიეს ჯერჯერობით დაუდგენელი ნივთიერება.

მსგავსი: პარლამენტთან მდგომარეობა კვლავ დაიძაბა — მშვიდობიან მანიფესტანტებს სპეცრაზმელები დაუპირისპირდნენ, არიან დაკავებულები

ბოლო ხაზი: ქართული ოცნების დეპუტატები, რომლებმაც რუსული კანონი დღეს საკომიტეტო სხდომაზე მესამე მოსმენით უნდა მიიღონ, პარლამენტის შენობაში შედიან.

  • ქციის მონაწილეები მათ ხვდებიან შეძახილებით "რუსებო", "მონებო".

  • რამდენიმე წუთში იურიდიული კომიტეტის სხდომა დაიწყება და რუსულ კანონს მესამე მოსმენით განიხილავენ.

  • ეს კანონპროექტი ბოლო, მესამე მოსმენით პლენარულ სხდომაზე ხვალ, 14 მაისს გავა.

გაიგე მეტი: მოვუწოდებთ შს მინისტრს, დაუყოვნებლივ გააკეთოს განცხადება კადრებზე, სადაც ჩანს, თუ როგორ უსწორდებიან სპეცრაზმელები მოქალაქეს — საია