რა ხდება: გირჩი — მეტი თავისუფლების ლიდერი, ზურაბ ჯაფარიძე წერს, რომ დღეს უცნობმა პირებმა მასზე თავდასხმა სცადეს.

  • მისივე ინფორმაციით, ეს უკვე მეორე შემთხვევაა — პირველად მას წუხელ ჩაუსაფრდნენ

დეტალები: ზურაბ ჯაფარიძის თქმით, გირჩი ტვ-დან გამოსვლის შემდეგ განათლების სამინისტროსთან დაპარკინგებული მანქანისკენ მიდიოდა, როდესაც ავტომობილიდან უცნობი ადამიანი გადმოხტა და მისი მიმართულებით დაიძრა.

  • "ასევე გაიღო მანქანის მეორე კარიც და მეორე ვირთხაც აპირებდა გადმოსვლას.
  • ჰაერში ვისროლე და დავემუქრე
  • პირველი ვირთხა ისე სწრაფად გაიქცა, ვერ დავინახე სად შეძვრა
  • ეს მერსედესი ადგილზე დაბუქსავდა და სწრაფად დაეშვა მიწისქვეშა გვირაბში.
  • ბევრი მოწმე იყო გარშემო, დაადასტურებენ რასაც ვწერ თუ საჭირო გახდა", — წერს ჯაფარიძე ფეისბუქზე.

კონტექსტი: უკვე რამდენიმე დღეა, პოლიტიკურ ლიდერებსა და აქტივისტებს თავს ესხმიან.

  • ასევე, რუსული კანონის მოწინააღმდეგე ადამიანებთან რეკავენ უცნობი ადამიანები და სიტყვიერ შეურაცხყოფას აყენებენ.
  • გუშინ ფიზიკურად გაუსწორდნენ ზურაბ ჯაფარიძის თანაპარტიელსაც, ზურაბ "ჩელე" ყურუას.