მოკლედ: ნესტან ანანიძე ფეისბუქზე წერს, რომ კიკვიძის პარკში ვარჯიშობდა, როდესაც რუსული კანონის საწინააღმდეგო მაისურის ტარების გამო, პოლიციამ ტერიტორიის დატოვება მოსთხოვა.

  • ანანიძეს მაისურზე ეწერა არა რუსულ კანონს!
ნესტან ანანიძე მაისურით, რომელსაც აწერია — არა რუსულ კანონს!

ნესტან ანანიძე მაისურით, რომელსაც აწერია — არა რუსულ კანონს!

დეტალები: "პოლიციელი მოვიდა და მეუბნება დატოვეთ ტერიტორიაო. მე ვუთხარი რატომ საჯარო სივრცეა და ვვარჯიშობ მეთქი. მიხვდა არაფერი გამოუვიდოდა და წავიდა", — წერს ანანიძე.

  • მისივე თქმით, პოლიციამ გადაადგილების საშუალება არ მისცა იმ ადგილას, სადაც ხალხი იყო: "მეორე მხარეს გადამაცილა პოლიციელმა და მეორე მხრიდან გაგაცილებთ ცხრა მაისთან დაკავშირებით ღონისძიებააო".

ფოტო: ნესტან ანანიძე

კონტექსტი: დღეს, 9 მაისს, მეორე მსოფლიო ომში ფაშიზმზე გამარჯვებიდან 79 წელი შესრულდა, კიკვიძის პარკში კი გამარჯვების დღესთან დაკავშირებული ღონისძიება გაიმართა.

  • კიკვიძის პარკში იმყოფებოდნენ პრემიერ-მინისტრი ირაკლი კობახიძე, პარლამენტის თავმჯდომარე შალვა პაპუაშვილი და თბილისის მერი კახა კალაძე.

ფოტო: საქართველოს მთავრობა