რა ხდება: თბილისის მერია აცხადებს, რომ უხვმა ნალექმა დედაქალაქის სხვადასხვა რაიონში პრობლემები გამოიწვია.

უწყების თანახმად,

  • განსაკუთრებით დაზარალდა გლდანის რაიონი, კერძოდ, მუხიანის აგარაკების დასახლებაში დაიტბორა ეზოები.
  • ასევე, ადიდებულმა მდინარე გლდანულამ ადგილობრივი მაცხოვრებლის ეზო დატბორა და მიწა ჩამოშალა.
  • რამდენიმე მისამართზე დაზიანდა საგზაო ინფრასტრუქტურა, ადგილი ჰქონდა ხის წაქცევის და ფერდის ჩამოშლის ფაქტებს.

განცხადებიდან: "ყველა რაიონში, სადაც უხვმა ნალექმა პრობლემები შექმნა, შედეგების აღმოფხვრაში ჩართულია საგანგებო სიტუაციების მართვის სამსახური, გამგეობებისა და მერიის შესაბამისი უწყებების წარმომადგენლები. მიმდინარეობს ზიანის სალიკვიდაციო სამუშაოები."

ბოლო ხაზი: თბილისის მერია აცნობებს მოქალაქეებს, რომ პრობლემის არსებობის შემთხვევაში, შეუძლიათ მიმართონ თბილისის მერიის ცხელ ხაზს ნომერზე — 2 722 222.