მოკლედ: საქართველოს პარლამენტის ინფორმაციით, 3-4 მაისს საქართველოს პარლამენტში უსაფრთხოების ყვითელი დონე იმოქმედებს.

  • ვიზიტორებს ეზღუდებათ პარლამენტში შესვლა.

დეტალები: პარლამენტის შენობაში დაიშვებიან მხოლოდ საქართველოს პარლამენტის წევრები და აპარატის თანამშრომლები.

  • "აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა."

გუშინ, 2 მაისს, 14:00 საათამდე, საქართველოს პარლამენტში წითელი ზონა მოქმედებდა.

  • გაუქმდა ბიუროს და პლენარული სხდომები.
  • პარლამენტი იუწყებოდა, რომ 1-ელ მაისს, რუსული კანონის საწინააღმდეგო აქციაზე, აქციის მონაწილეების მიერ "პარლამენტის სასახლეზე განხორციელებული თავდასხმის შედეგად" დაზიანდა პარლამენტის შენობა და ინფრასტრუქტურა.

კონტექსტი: ხელისუფლების დაჟინებულ სურვილს, მიიღოს რუსული კანონი, ხალხი მრავალათასიანი საპროტესტო აქციებით ეწინააღმდეგება თბილისსა და საქართველოს სხვა ქალაქებში. პერიოდულად, ხელისუფლება იყენებს ძალას მშვიდობიანი დემონსტრანტების წინააღმდეგ.

მსგავსი: საჩხერელი გელა ნადირაძე, რომელიც აქციაზე გაუჩინარდა, საავადმყოფოში ნაცემი იპოვეს

  • 1-ელ მაისს, რუსული კანონის საპროტესტო აქციაზე, 9 აპრილის ქუჩაზე, გაუშვეს ცრემლსადენი გაზი და წყლის ჭავლი. გამოიყენეს რეზინის ტყვიებიც.

  • სპეციალური საშუალებები, მოქალაქეების წინააღმდეგ, გაფრთხილების გარეშე გამოიყენეს.

შსს მშვიდობიანი დემონსტრანტების წინააღმდეგ დროდადრო იყენებდა წიწაკის სპრეის, ცრემლსადენ გაზს, წყლის ჭავლს.

  • სამინისტრომ თქვა, რომ არ გამოუყენებიათ რეზინის ტყვიები, იმის მიუხედავად, რომ დაშავებულებს სავარაუდოდ, რეზინის ტყვიებისგან მიყენებული დაზიანებები აღენიშნებოდათ.

გაიგე მეტი: რა ვიცით თვალის არეში დაჭრილი ახალგაზრდა კაცის მდგომარეობაზე