რა ხდება: გელა ნადირაძე, რომელიც აქციისთვის თბილისში საჩხერიდან ჩამოვიდა, მიხაილოვის საავადმყოფოში იპოვეს.

  • მისი გაუჩინარების შესახებ ინფორმაცია ფსიქოლოგმა ნათია ფანჯიკიძემ გაავრცელა.

დეტალები: სულ რამდენიმე წუთის წინ ფანჯიკიძემ ფეისბუქსტატუსი განაახლა და დაწერა, რომ ნადირაძე კლინიკაში იპოვეს, "დაზიანებული ნეკნებით და სასტიკად ნაცემი, გამთენიისას მიუყვანია პოლიციას".

შსს-ში NEWS.On.ge-ს უთხრეს, რომ გელა ნადირაძე ერთ-ერთი იყო იმ 63 ადამიანს შორის, რომელთა დაკავების შესახებ ინფორმაცია შსს-მ გუშინ, 1 მაისს გაავრცელა.

  • უწყების ინფორმაციით, ნადირაძე ხელწერილის საფუძველზე გაათავისუფლეს და ის კლინიკაში გადაიყვანეს.
  • მათივე თქმით, ნადირაძე საავადმყოფოდან უკვე გაწერეს.