რა ხდება: კაცი, რომელიც აქციაზე დასასწრებად თბილისში საჩხერიდან ჩამოვიდა, გაუჩინარდა.

  • ფსიქოლოგი ნათია ფანჯიკიძე ფეისბუქზე წერს, რომ გელა ნადირაძე, ბოლოს, სატელევიზიო კადრებში ნახეს, როცა მას "უმოწყალოდ სცემს სპეცრაზმელების ხროვა".

დეტალები: ფანჯიკიძის თქმით, ნადირაძის პოვნა ამ დრომდე ვერ შეძლეს.

  • "ამ ბიჭის ძმა, რომელიც ახლა დაღუპულია, ომის ვეტერანი იყო.
  • გელა ნადირაძე არ ჩანს არც დაკავებულთა შორის, არც საავადმყოფოები იძლევიან ინფორმაციას, არის თუ არა მათთან და ცოცხალია თუ მკვდარი.
  • გთხოვთ, თუ ვინმემ რამე იცით, სასწრაფოდ გამოაქვეყნოთ. ყველაზე დიდი იმედია, რომ ვინმემ შეიფარა სახლში", — წერს ნათია ფანჯიკიძე.

ინფორმაციის გადასამოწმებლად შინაგან საქმეთა სამინისტროს დავუკავშირდით — უწყებაში NEWS.On.ge-ს უთხრეს, რომ ცნობებს აზუსტებენ.

სიახლის შემთხვევაში, მასალა განახლდება.