რა ხდება: დღეს პარლამენტში უსაფრთხოების დამატებითი ზომებია მიღებული.

  • მიზეზი რუსული კანონის მეორე საკომიტეტო მოსმენაა.
  • იურიდიულ საკითხთა კომიტეტის სხდომის დაწყების დროდ 9 საათია მითითებული.

დეტალები: ონლაინმედიის წარმომადგენლებს საპარლამენტო განხილვებზე დასწრების საშუალება კვლავ არ ეძლევათ.

  • პარლამენტის მიერ გავრცელებულ განცხადებაში ნათქვამია, რომ ვიზიტორებს ეზღუდებათ შენობაში შესვლა.
  • "დაგეგმილ საპარლამენტო ღონისძიებებზე (მათ შორის კომიტეტის სხდომებზე) დაიშვებიან მხოლოდ შესაბამისი სტრუქტურული ერთეულების მიერ მოწვეული პირები. შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების (კომიტეტების სხდომების) დასრულებამდე", — ვკითხულობთ განცხადებაში.
  • მიზანი კი, მათი განმარტებით, პარლამენტში "სამუშაო და უსაფრთხო გარემოს უზრუნველყოფაა".

ბოლო ხაზი: დღეს ქართული ოცნება რუსული კანონის საწინააღმდეგო აქციის კონტრაქციას გეგმავს.

გამომსვლელებისთვის პარლამენტის წინ სცენის მონტაჟი რამდენიმე დღის წინ დაიწყო.

  • გუშინ, რუსული კანონის მოწინააღმდეგე აქციის წევრები მოითხოვდნენ, პოლიციას რამდენიმე მათგანისთვის სცენაზე ასვლის საშუალება მიეცა, საქართველოსა და ევროკავშირის დროშებით, რასაც პოლიციასა და დემონსტრანტებს შორის დაპირისპირება მოჰყვა, გამოიყვანეს სპეცრაზმი და მობილიზებული იყო წყლის ჭავლის მანქანებიც.
  • პოლიციამ, სავარაუდოდ, რამდენჯერმე გაუშვა ე.წ. წიწაკის სპრეი.
  • აქციაზე დაკავებულების შესახებ შსს-ს ოფიციალური ინფორმაცია ჯერ არ გაუვრცელებია, თუმცა, გუშინ ცნობილი გახდა, რომ დააკავეს ყოფილი სახელმწიფო მინისტრი, ალექსი პეტრიაშვილი.