მოკლედ: ქართული ოცნება 29 აპრილს რუსული კანონის მოწინააღმდეგეთა კონტრაქციას ანონსებს.

  • ისინი ამბობენ, რომ ეს მათი მხარდამჭერების თხოვნა იყო.

დეტალები: ოცნების მტკიცებით, რუსული კანონის საწინააღმდეგო აქციაზე, მონაწილეთა რაოდენობამ პიკზე მხოლოდ 9500 ადამიანი შეადგინა.

მათი პარტიის რეიტინგი კი, სოციალური კვლევებით, 60 პროცენტს აჭარბებს.

  • "ამ ფონზე, პოლიტიკურად გაკოტრებული რადიკალური ოპოზიცია, მდიდარი "ენჯეოები“ და ე.წ. პრეზიდენტი, ხალხის სახელით გვესაუბრებიან, რაც ჩვენი მხარდამჭერების, საქართველოს მოსახლეობის აბსოლუტური უმრავლესობის სამართლიან გაღიზიანებას იწვევს", — წერია მათ განცხადებაში.

მმართველი პარტია მოუწოდებს მოსახლეობას, 29 აპრილს პარლამენტთან შეიკრიბონ.

  • "ერთად ვუთხრათ არა — შავ ფულს და ერთად ვუთხრათ კი — გამჭვირვალობას, ჭეშმარიტ ევროპულ გზას, დამოუკიდებელ და სუვერენულ საქართველოს", — ვკითხულობთ განცხადებაში.

ასევე, ნახეთ: ოცნება ოფშორებთან დაკავშირებულ კანონს ივანიშვილს არგებს, იზრდება კრიმინალური და რუსული კაპიტალის შემოდინების რისკიც — TI

ბოლო ხაზი: მას შემდეგ, რაც პარლამენტმა რუსული კანონის განხილვა დაიწყო, რუსთაველზე საპროტესტო აქციები ყოველდღიურად იმართება.

  • აქციის მონაწილეები მოითხოვენ, უკან გაიწვიოს მმართველმა ძალამ კანონპროექტი, რომელიც საქართველოს ევროინტეგრაციას საფრთხეს უქმნის.

კანონპროექტის გამო შეშფოთება გამოთქვეს ევროპელმა ლიდერებმა და თქვეს, რომ მისი მიღების შემთხვევაში, სავარაუდოდ, საქართველოსთან გაწევრიანების მოლაპარაკებებს ევროკავშირი აღარ დაიწყებს.

  • თუმცა, საკანონმდებლო ინიციატივას იწონებენ რუსი პოლიტიკური ლიდერები.

ვრცლად: მედვედევი კანონპროექტს იწონებს და ამბობს, რომ აქციების უკან არის "ჰოლივუდის ხელი"