მოკლედ: ახალგაზრდები, საქართველოს პარლამენტთან, 19:00 საათზე, რუსული კანონის გასაპროტესტებლად, დღესაც შეიკრიბებიან.

  • ინფორმაციას ახალგაზრდული მოძრაობა დაფიონი ავრცელებს.

დეტალები: დაფიონის მიხედვით, პარლამენტთან შეკრების შემდეგ, "ხმაურიანი, ენერგიული და მტკიცე" მსვლელობა გაიმართება:

  • "საქართველო ჩვენია და ყველა ჩვენგანმა უნდა ვიყოჩაღოთ მის დასაცავად! შემოგვიერთდით ყველა, ჩამოდით რეგიონებიდან, გელოდებით დღეს ყველას პარლამენტის წინ!".

კონტექსტი: ბოლო რამდენიმე დღეა, რაც საქართველოში ხალხი რუსული კანონის მიღებას აპროტესტებს, საკანონმდებლო ინიციატივის საპარლამენტო განხილვების პარალელურად.

  • აქციები არა მხოლოდ თბილისში, არამედ საქართველოს სხვადასხვა რეგიონშიც იმართება.

რუსული კანონის საწინააღმდეგო აქციებში აქტიურად არიან ჩართულები ახალგაზრდებიც.

  • ახალგაზრდების ორგანიზებით აქციები გაიმართა 18 და 19 აპრილსაც.

გაიგე მეტი: დღეს, 20 აპრილს, 5 საათზე, გაიმართება ქალების მარში — ქალები ვირჩევთ ევროპას