რა ხდება: ახალგაზრდული მოძრაობა დაფიონის ორგანიზებით, პარლამენტთან საპროტესტო აქცია მიმდინარეობს.

  • რუსული კანონის მოწინააღმდეგე ახალგაზრდებმა რუსთაველის გამზირი გადაკეტეს.

დეტალები: აქციის მონაწილეები საკანონმდებლო ორგანოს შენობის წინ 19 საათზე შეიკრიბნენ.

მოგვიანებით კი მთავრობის კანცელარიასთანაც მივიდნენ.

აქციის მონაწილეები მთავრობის ადმინისტრაციის შენობასთან

აქციის მონაწილეები მთავრობის ადმინისტრაციის შენობასთან

ფოტო: დაფიონის ფეისბუქგვერდი

საბოლოოდ კი ისევ პარლამენტის შენობასთან დაბრუნდნენ და გზა გადაკეტეს.

ფოტო: ტელეგრამარხი "არა რუსულ კანონს"

კონტექსტი: 83 ხმით 0-ის წინააღმდეგ, ქართულმა ოცნებამ რუსული კანონი პირველი მოსმენით მიიღო გუშინ, 17 აპრილს.

  • ამას მოჰყვა მასშტაბური სახალხო პროტესტი თბილისში, ჯერ საქართველოს პარლამენტის წინ, შემდეგ — მთავრობის ადმინისტრაციის შენობასთან. ხალხი რუსული კანონის მიღებას აპროტესტებს საქართველოს დიდ ქალაქებშიც.

პროცედურულად: ზოგადად, კანონპროექტის მისაღებად საჭიროა დეპუტატების სამი მოსმენით მხარდაჭერა პლენარულ სხდომაზე.

  • რუსული კანონის საბოლოო, მესამე მოსმენით მხარდაჭერის თარიღად 17 მაისია განსაზღვრული.
  • კანონი, მიღების შემთხვევაში, პრეზიდენტს გადაეგზავნება.
  • პრეზიდენტმა თქვა, რომ ის კანონს ვეტოს დაადებს.
  • თუმცა, ამის შემდეგ, საპარლამენტო უმრავლესობა ვეტოს დაძლევას შეეცდება, მას დასაძლევად საკმარისი მანდატი აქვს.