მოკლედ: ირანული საინფორმაციო სააგენტო IRNA ინფორმირებულ წყაროზე დაყრდნობით წერს, რომ ირანმა ისრაელის მიმართულებით ბალისტიკური რაკეტების პირველი პარტია გაუშვა.

დეტალები: მედიასაშუალება ვიდეოსაც აქვეყნებს.

ამერიკელი მაღალჩინოსნების თქმით, ისრაელის მიმართულებით 400-დან 500-მდე დრონი და რაკეტებია გაშვებული ერაყიდან, სირიიდან, სამხრეთ ლიბანიდან და იემენელი ჰუსიტებისგან, ძირითადი ნაწილი კი — ირანიდან.

  • ეს იგივე დრონებია, რასაც რუსები უკრაინის წინააღმდეგ იყენებენ.

კონტექსტი: ვიდრე ირანი თავდასხმას დაიწყებდა ისრაელზე, ქვეყნის ლიდერმა, აიათოლა ალი ხამენეიმ ისრაელი 1 აპრილს სირიის დედაქალაქ დამასკში, მათ საკონსულოზე თავდასხმაში დაადანაშაულა.

  • მან ეს თავდასხმა ირანზე თავდასხმად შეაფასა.
  • "ბოროტი რეჟიმი უნდა დაისაჯოს და დაისჯება კიდეც", — თქვა მან.

ისრაელს საკონსულოზე თავდასხმის შესახებ კომენტარი არ გაუკეთებია.

ბოლო ხაზი: ირანმა ისრაელზე თავდასხმა საკუთარი ტერიტორიიდან პირველად დაიწყო. დრონები, რომლებიც მან ისრაელისკენ გაუშვა, დანიშნულების ადგილამდე რამდენიმე საათში მიაღწევენ.