მოკლედ: იმის მიუხედავად, რომ ბერლინში ოფიციალურ ვიზიტად მყოფ ირაკლი კობახიძეს გერმანიის კანცლერმა უთხრა, რომ მის ქვეყანას და ევროკავშირს აქვთ კრიტიკული პოზიცია ე.წ. აგენტების კანონთან დაკავშირებით, საქართველოს პრემიერ-მინისტრი კვლავ აცხადებს, რომ ეს კანონი ქვეყნისთვის ძალიან საჭიროა.

დეტალები: ირაკლი კობახიძის კომენტარს მთავრობის ადმინისტრაცია ავრცელებს.

პრემიერ-მინისტრმა თქვა, რომ თანამდებობაზე დანიშვნის შემდეგ გადაწყვიტა, საქართველოს მთავრობის ყველა გადაწყვეტილება იქნას გამოქვეყნებული.

  • ამიტომ, ხელისუფლებას სრული უფლება აქვს, არასამთავრობო ორგანიზაციებს მოსთხოვონ "მინიმალური სტანდარტი" გამჭვირვალობის თვალსაზრისით.
  • კობახიძემ შოლცთან ერთად გამართულ პრესკონფერენციაზე თქვა, რომ 2020 წლის შემდეგ იყო 2 შემთხვევა, როცა "ხელისუფლების შეცვლა სცადეს არა საპარლამენტო არჩევნების, არამედ — ქუჩაში გამოსვლების გზით".

მანამდე, ჟურნალისტებს ოლაფ შოლცმა უთხრა, რომ შარშანდელის შემდეგ კანონის კიდევ ერთხელ შემობრუნებას არ ელოდნენ და იმედი გამოთქვა, რომ საქართველო ამ კანონის მიღებაზე უარს იტყვის.

ამ თემაზე ვრცლად — შოლცი კობახიძეს: დიდი იმედი გვაქვს, რომ ამ კანონს არ მიიღებთ

ის, რომ კანონი ევროკავშირთან ურთიერთობაში უკან დაგვხევს, არაერთმა საერთაშორისო ორგანიზაციამ, თუ დასავლელმა პოლიტიკოსმა გვითხრა.

ამის შესახებ გაგვაფრთხილა საქართველოში ევროკავშირის ელჩმა, პაველ ჰერჩინსკიმაც. მან თქვა, რომ კანონის მიღების შემთხვევაში, ევროკომისიას გაუჭირდება მოლაპარაკებების დაწყებისთვის დადებითი რეკომენდაციის გაცემა.

  • ამ განცხადებას გამოეხმაურა ევროდეპუტატი ვიოლა ფონ კრამონი და X-ზე დაწერა, რომ "შეუძლებელი იქნება დადებითი შეფასების მიცემა. თუ ამ კანონს მიიღებენ, ევროპული პერპექტივა გაქრება. სრულად შეჩერდება."

შეშფოთება გამოთქვა ამერიკის სახელმწიფო დეპარტამენტმაც.

რუსული კანონის ქრონოლოგია:

2024 წლის 3 აპრილი

  • ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.

8 აპრილი

9 აპრილი

11 აპრილი

  • ცნობილი გახდა, რომ რუსული კანონი პლენარულ სხდომაზე მესამე მოსმენით, სავარაუდოდ, 17 მაისს გავა. საკომიტეტო მოსმენა ორშაბათს, 15 აპრილს არის დაგეგმილი, პლენარულ სხდომაზე პირველი მოსმენის სავარაუდო თარიღი კი 16 აპრილია.

15 აპრილს, საკომიტეტო მოსმენის პარალელურად, თბილისში საპროტესტო აქცია იგეგმება.