აშშ-ის სახელმწიფო დეპარტამენტის რეაქცია ქართული ოცნების სურვილზე, მიიღოს რუსული კანონი

რა ხდება: ქართული ოცნების განზრახვას, კიდევ ერთხელ სცადოს, მიიღოს რუსული კანონი, ამერიკის შეერთებული შტატების სახელმწიფო დეპარტამენტის სპიკერი, მეთიუ მილერი ეხმიანება.

აშშ-ის სახელმწიფო დეპარტამენტი მიიჩნევს, რომ მმართველი პარტიის მიერ საქართველოს პარლამენტში ინიციირებული კანონპროექტი საქართველოს ევროპის გზას ჩამოაცილებს და მოუწოდებენ საქართველოს ხელისუფლებას, მიჰყვეს ევროკავშირის მისწრაფებებს.

მეთიუ მილერი: "ჩვენ ღრმად ვართ შეშფოთებული, რომ საქართველოს პარლამენტში შეტანილი კანონპროექტი საქართველოს ჩამოაცილებს ევროპის გზას და დააზარალებს სამოქალაქო საზოგადოების ორგანიზაციებს, რომლებიც აუმჯობესებენ საქართველოს მოქალაქეების ცხოვრებას. ჩვენ მოვუწოდებთ საქართველოს მთავრობას, რომ მიჰყვეს ევროკავშირის მისწრაფებებს."

**მეთიუ მილერის განცხადება პლატფორმა X-ზე**

ფოტო: twitter.com/StateDeptSpox

ამავე საკითხზე გუშინ, 4 აპრილს, განცხადება გააკეთა ევროკავშირის უმაღლესი წარმომადგენლის პრეს-სპიკერმა. ევროკავშირი შეახსენებს საქართველოს მთავრობისა და მმართველი პარტიის გასული წლის საჯარო დაპირებას, ასეთი კანონპროექტის "უპირობოდ გაწვევის" შესახებ. ევროკავშირი წუხილს გამოთქვამს, რომ ის კვლავ განიხილება 2023 წლის მარტში საზოგადოების და საერთაშორისო მძაფრი რეაქციის მიუხედავად.

გაიგე მეტი: ევროკავშირი შეახსენებს საქართველოს ხელისუფლებას პირობას რუსული კანონის "უპირობოდ გაწვევის" შესახებ

ბოლო ხაზი: საქართველოს ხელისუფლებას სურს, ისევ დააინიციიროს პარლამენტში რუსული კანონი, რომლითაც სურთ, დამოუკიდებელი მედია და არასამთავრობო სექტორი "აგენტებად" გამოაცხადონ. ანალოგიური კანონის მიღება "ოცნებას" უნდოდა გასული წლის მარტში, რასაც მძლავრი საზოგადოებრივი პროტესტი, 7-8 მარტის ცნობილი აქციები და საბოლოოდ, კანონპროექტის უკან გაწვევა მოჰყვა.

ბოლო ამბები:

გირჩევთ