ირაკლი კობახიძე: ხელახალი არჩევნების დანიშვნის საფუძველი არ არსებობს

22 Dec. 2024, 14:30

"რაც შეეხება არჩევნების დანიშვნას, აქ სამართლებრივად მარტივად არის საქმე, არჩევნების დანიშვნას აქვს სამი კონკრეტული საფუძველი ჩვენი კონსტიტუციისა და კანონდმებლობის მიხედვით. რაც შეეხება ხელახალ არჩევნებს, ხელახალი არჩევნები შეიძლება დაინიშნოს მხოლოდ იმ შემთხვევაში თუ ცესკო ან სასამართლო, მათ შორის საკონსტიტუციო სასამართლო, არჩევნების შედეგებს გააბათილებს.

თქვენ იცით, რომ ცესკომ შეაჯამა არჩევნები შედეგები, სასამართლოშიც განხილული იქნა ყველა საჩივარი და საკონსტიტუციო სასამართლოს მიმართა თავად სალომე ზურაბიშვილმა, ოპოციურ პარტიებთან და ენჯეოებთან ერთად, და საკონსტიტუციო სასამართლომაც დაადასტურა არჩევნების ლეგიტიმურობა. შესაბამისად, ხელახალი არჩევნების დანიშვნის საფუძველი არ არსებობს ჩვენი კონსტიტუციის და კანონმდებლობის თანახმად. რაც შეეხება მორიგე არჩევნებს, მორიგე არჩევნები ინიშნება მას შემდეგ, რაც პარლამენტს ამოეწურება უფლებამოსილების ოთხწლიანი ვადა - ნუ ცხადია, ეს საფუძველიც არ არსებობს. და რიგ გარეშე არჩევნები, კონსტიტუციის თანახმად, ინიშნება ერთადერთი შემთხვევაში, როდესაც პარლამენტი ნდობას არ უცხადებს მთავრობის შემადგენლობას. როგორც მოგეხსენებათ, პარლამენტმა ნდობა გამოუცხადა მთავრობის შემადგენლობას, შესაბამისად, მესამე საფუძველიც არ არის სახეზე.

აქედან გამომდინარე, რა თქმა უნდა, პრეზიდენტის შესაბამისი გადაწყვეტილება, განცხადება იქნებოდა სრულიად კომიკური, თუმცა, კომიკურთან ერთად ეს იქნებოდა სისხლის სამართლის დანაშაულიც, სისხლის სამართლის კოდექსში არის შესაბამისი ჩანაწერები, რომლებიც ასეთ ქმედებებს ითვალისწინებს მრავალწლიან სასჯელს თავისუფლების აღკვეთის სახით.

კიდევ ერთხელ ვიტყვი, რომ ვიღაც ჭკვიანმა ურჩია სალომე ზურაბიშვილს ეს არ გაეკეთებინა, მან, საბოლოო ჯამში, ითხოვა ერთი დღე, დღეს 9 საათამდე და კიდევ აქვს მოსაფიქრებელი დრო ამისათვის. ვნახოთ, ვინ გადაწონის, ვიღაც ჭკვიანი თუ სალომე ზურაბიშვილი, რომელიც არ არის ვიღაც ჭკვიანი"

ბოლო ამბები:

ირაკლი კობახიძე ირაკლი კობახიძე: ხელახალი არჩევნების დანიშვნის საფუძველი არ არსებობს

კომენტარები

კვირის ტოპ-5

გირჩევთ

ახლა კითხულობენ