დროა, რომ შეერთებული შტატები მამაცი ქართველი ერის გვერდით დადგეს, რომლის მოქალაქეებიც ახლახან არჩევნებზე იყვნენ და თავიანთი ლიდერების ასარჩევად ხმა მისცეს. დროა, რომ მძიმე სანქციები დაწესდეს პირებსა და ინსტიტუტებზე, რომლებიც ახლა ქართველი ხალხის დემოკრატიული ნებისთვის ხელის შეშლას ცდილობენ.

ქმედების დრო არის ახლა. ახლა 2024 წლის 20 დეკემბერია, არ უნდა ვიმოქმედოთ შუა იანვარში, უნდა ვიმოქმედოთ ახლა, როდესაც ქალაქებში, როგორიც თბილისია, და სხვაგან ქართველი ხალხი მყინავ ქუჩებში დგას, რათა თავისი პროტესტის უფლება გამოიყენონ. [...]

ქართველი ხალხი ახლახან არჩევნებზე იყო, რაც ნამდვილად არის მთლიანი კაცობრიობის უფლება, ჩვენი დამოუკიდებლობის დეკლარაციის მიხედვით, და ქართველმა ხალხმა უარყო პარტია ქართული ოცნება, რომელიც რეალურად უფრო და უფრო ვლადიმირ პუტინის რუსული დიქტატურის მსახური ხდება.

როდესაც ქართველმა ხალხმა ხმა მისცა ბიძინა ივანიშვილის წინააღმდეგ, პარტიის მიღმა მდგომი პრორუსი ოლიგარქის, ეს მსგავსია იმის, თუ რა გააკეთეს სხვა თავისუფალმა ამომრჩევლებმა ამ რეგიონში, დაახლოებით ათწლეულის წინ უკრაინის რესპუბლიკაში, რუმინეთის ბოლოდროინდელ არჩევნებში, ეს ასევე მოლდოვაში ხდება. [...]

პარტია ქართულმა ოცნებამ ამომრჩეველთა ნების გადატრიალებაზე იმუშავა და მშვიდობიანი პროტესტის ძალადობრივად ჩასახშობად პოლიციის ძალა გამოიყენა.

რამდენიმე დღეში, რეალურად შეიძლება, რომ ქართულმა ოცნებამ დემოკრატიულად არჩეული საქართველოს პრეზიდენტი იძულებით მოაცილოს ხელისუფლებიდან.

ბაიდენის ადმინისტრაციამ საწყისი ნაბიჯები გადადგა, რომლებიც დიდი ხანია, დაგვიანებულია, და ვისურვებდი, რომ ისინი უფრო ძლიერები ყოფილიყვნენ. ამჟამად ჩვენმა ამერიკულმა ადმინისტრაციამ სანქციები საჯაროდ 2 პირს დაუწესა - სახელმწიფო და ხაზინის დეპარტამენტებმა სამინისტროს უფროსი თანამდებობის პირი და საქართველოს შინაგან საქმეთა მინისტრი დაასანქცირეს. [...]

რა თქმა უნდა, საპასუხოდ, ქართული ოცნების პრემიერმა კობახიძემ გამოაცხადა, რომ ამ ორ სანქცირებულ რუსეთის მარიონეტს დააჯილდოვებდა და პროტესტის ჩახშობაში მათი წვლილისთვის ღირსების ორდენს გადასცემდა. ეს არის ის, რაც მსოფლიოში ხდება, ტირანები ასე იქცევიან.

ჩვენს გარკვეულწილად გაუბედავი ზომებს ქართულმა ოცნებამ პატივი არ სცა, ამიტომ ვიტყოდი, რომ დროა, აშშ-მ უფრო გადამწყვეტი და დროული სიმტკიცე აჩვენოს. სანახევრო ზომები ახლა არასწორი გზავნილია. ამიტომ, ბაიდენის ადმინისტრაციას მოვუწოდებ, ქართული ოცნების ლიდერებს, მათ შორის, ბიძინა ივანიშვილს, კახა კალაძესა და პრემიერმინისტრ კობახიძეს, სანქციები დაუწესოს.

საქართველოს რესპუბლიკა თავისუფლების მოყვარული ხალხის სამშობლოა, ისინი ერთხელ მოსკოვის ფეხქვეშ იყვნენ და უკან მიბრუნება არ სურთ.