მოკლედ: კულტურისა და სპორტის მინისტრი თეა წულუკიანი ფეისბუქზე გამოეხმაურა სტენსილს წარწერით — თეა, კულტურა შენი სპორტი არაა!

დეტალები: წულუკიანმა სტენსილი "ათეიზმის ფორმად" მოიხსენია და მის ავტორებს მოუწოდა, წარწერები დღის შუქზე გააკეთონ.

ამასთან, ფეისბუქის პოსტში დამცინავად მოიხსენიებს მინისტრი ფრაზას — "არა რუსულ კანონს!", რომლითაც საქართველოს მოსახლეობის დიდი ნაწილი აპროტესტებს ხელისუფლების ინიციატივას, მიიღოს რუსული კანონი.

ბოლო ხაზი: წულუკიანის კულტურის მინისტრად ყოფნას, კულტურის სფეროს წარმომადგენლებიც ხშირად აპროტესტებენ. წულუკიანი კი კრიტიკას სასამართლოში მუქარით პასუხობს. საგულისხმოა, რომ წულუკიანის უწყება არაერთხელ გაამტყუნა სასამართლომ შრომითი უფლებების დარღვევის გამო.