რა ხდება: ღამით უკრაინის ენერგოობიექტებზე რუსეთმა მასირებული შეტევა განახორციელა.

  • რუსულმა არმიამ გამოიყენა თავდასხმის 82 საშუალება, მათ შორის, 40 დრონი. 57 რაკეტა და დრონი უკრაინამ ჩამოაგდო.

დეტალები: უკრაინული ენერგეტიკული კომპანია Ukrenergo იტყობინება, რომ რუსული არმიის დარტყმის შედეგად ქვეყნის ხუთ რეგიონში: ოდესაში, ხარკოვში, ზაპოროჟიეში, ლვოვსა და კიევში დაზიანდა ქვესადგურები და გენერაციის ობიექტები.

  • ადგილობრივი დროით დილის ხუთის ნახევრიდან ხარკოვში ავარიული გამორთვის გრაფიკი დაწესდა.
  • უკრაინის სხვა რეგიონებში ელექტროენერგიის მიწოდებაზე შეზღუდვები არ არის.

ბოლო ორი კვირის განმავლობაში რუსეთის არმიამ არაერთხელ დაარტყა ხარკოვის ენერგეტიკულ ინფრასტრუქტურას, რის გამოც, უკრაინის სიდიდით მეორე ქალაქში, რამდენიმე ასეული ათასი მომხმარებელი რჩებოდა ელექტროენერგიის გარეშე.