ოსკაროსანი Joker-ის მეორე ნაწილი, სახელად Joker: Folie à deux, ბოლო პერიოდია ყურადღების ცენტრშია და ცოტა ხნის წინ მაყურებელმა ახალი ტრეილერიც იხილა. როგორც ტრეილერიდან ჩანს, ხოაკინ ფენიქსისა და ლედი გაგას საინტერესო და დაძაბული თავგადასავალი მალე დაიწყება.

Joker-ის ახალი ნაწილში მოქმედება ფსიქიატრიულ საავადმყოფოში იწყება, სადაც ჯოკერი და ჰარლი ქუინი ერთმანეთს ხვდებიან. ტრეილერში მთავარი პერსონაჟების დიალოგებიდან ფრაზებს ვისმენთ და გამომდინარე იქიდან, რომ Joker: Folie à deux მიუზიკლიცაა, ლედი გაგას არაერთ შესრულებას ვიხილავთ.

"მე გეტყვით, რა შეიცვალა. მე აღარ ვარ მარტო — აი, რაზე უნდა ვისაუბროთ", — ამბობს ხოაკინ ფენიქსის პერსონაჟი ფილმის ტრეილერში. შეგახსენებთ, რომ ფენიქსმა 2019 წლის Joker-ში მთავარი როლის შესრულებისთვის ოსკარი მოიპოვა. ფილმმა კი ოსკარზე 11 ნომინაციიდან ორში გაიმარჯვა.

Joker: Folie à deux-ის მსოფლიო პრემიერა 4 ოქტომბერს შედგება.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...